Т.ДАЛАЙ

“Space” энтертайнментийн залуу уран бүтээлчид нэгэн сонирхолтой тоглолт хийхэд бэлэн болжээ. “Space night” тоглолт үлээвэр найрал хөгжим /Wind & brass instrument/-ийг электроник хөгжимтэй хослуулахаараа онцлог.

Тоглолт дөрөвдүгээр сарын 29-нд “The Grand Hill hotel”-ын 17 давхарт 20.00 цагаасб болно. Тасалбарыг “Itiket.mn”-ээс худалдан авах боломжтой ба үзэгч, хөгжим сонирхогчдод үнэгүй хүргэлтээр хүргэж өгөх аж.

Электроник хөгжим тоглодог алдартай аяз хөгжмийг үлээвэр найралтай хослуулан тоглохоос гадна дэлхийн алдартай рок болон поп дуунуудыг сонирхуулна.

“Space night” тоглолтод “Space” энтертайментийн “Mystical” брасс электроник хамтлаг болон жазз дуучин Оюундарь, chill pop дуучин Гүли, R&B soul дуучин Мияа зэрэг 11 залуу уран бүтээлч оролцоно.

“Space” энтертайнмент нь “Миний Улаанбаатар” нэртэй төсөл хэрэгжүүлж байгаа бөгөөд энэхүү төсөл нь 5 цуврал баримтат киноноос бүтэх юм. Тэдний хэрэгжүүлж буй төслийн гол зорилго нь Улаанбаатар хотын иргэн бүрийн оролцоо их хотын минь ирээдүйн хөгжилд хөрөнгө оруулалт гэдгийг харуулахад чиглэгджээ.

“Миний Улаанбаатар” төслийн эхний бүтээл болох “Баатар” баримтат кино нь 2017 оны эхээр “I cinema” кино театрт нээлтээ хийсэн. Тэд төслийн хүрээнд Улаанбаатар хотын ойролцоо орших хүүхэд, эмэгтэйчүүдийн хорих газар, асрамжийн газар болон цэргийн ангиудад киногоо гаргажээ.

“Space night“ тоглолт “Миний Улаанбаатар” төслийн хоёр дахь бүтээл “Баялаг” төслийн төсвийг бүрдүүлэх зорилготой тул Улаанбаатар хотдоо хайртай залуусыг хүрэлцэн ирэхийг уриалж байна.

Тоглолттой холбоотой мэдээллийг 90113331, 91923331, 99418760 болон 1900-1800 дугаараас лавлах боломжтой.

Эх сурвалж: www.polit.mn