С.САРУУЛ

“Монполимет”-ийн эзэн, УИХ-ын гишүүн  Ц.Гарамжав Хуульзүйн байнгын хорооны хурал дээр Зөрчлийн тухай хуульд гүтгэсэн тохиолдолд хувь хүнийг 20 сая, аж ахуйн нэгжийг 100 сая төгрөгөөр торгох санал оруулсныг гишүүдийн ихэнх нь дэмжсэн. Үүний балгаар зурагт, сонин, сайтууд эсэргүүцэл зарлаж монголчуудын мэдэх эрх зөрчигдөөд байгаа юм.

Тэгвэл хэвлэл мэдээллийн эрх чөлөөг боомилох гэсэн Ц.Гарамжавын саналыг байнгын хорооны хурал дээр таван гишүүн дэмжжээ. Тэд саналыг дэмжээд зогсохгүй бусад гишүүдийн эзэнгүй кнопнуудыг дэмжсэн болгож  ширээнээс ширээний хооронд “төгөлдөр хуур” тоглосон байна . Тодруулбал, Ц.Гарамжав гишүүнтэй нэгдэж хэвлэлийн эрх чөлөөг хаахаар оролдож өрөөлийн кнопыг дарсан гишүүдийн дунд Ц.Гарамжав, Н.Оюундарь, М.Оюунчимэг, Х.Нямбаатар, Н.Учрал, Ж.Ганбаатар нар байгаа аж.

М.Оюунчимэг гишүүн хэдийгээр хэвлэл мэдээллийн салбарын хүн ч торгуулийн заалтыг нэмэх саналд нэгдэж бусад гишүүдийн кнопыг ч мөн адил дарсан. Цөөн хэдэн гишүүний балгаар бүх гишүүд хэвлэлийн эрх чөлөөнд халдсан боллоо хэмээн гишүүд бухимджээ.  

Эх сурвалж: www.polit.mn