Т.ДАЛАЙ

“Монголын хүүхдийн ордон”-ы хэвийн үйл ажиллагаа алдагдаж хүүхдийн эрх зөрчигдөж байгаа талаар Монголын хүүхдийн ордонд суралцдаг хүүхдүүдийн эцэг эхчүүд өнөөдөр /04.26/ мэдээллээ. Тэд “Монголын хүүхдийн ордон”-ы захирал Б.Цэнгэлмаа нь энэ сарын 3-ны өдөр бүжгийн дугуйлангийн багш Б.Хулан, концертмейстер Ц.Оюунчимэг нарыг ажлаас нь халжээ. Эцэг эхчүүд эсэргүүцэж, Б.Цэнгэлмаа захирал тухайн хоёр багшийг эргүүлэн ажилд нь авахаар болжээ. Гэтэл хэд хоногийн дараа дахин халах шийдвэр гаргасан байна. Учир нь тус дугуйланд сурдаг хүүхдүүдийн эцэг эхийн зөвлөл “ Хүүхдийн ордны хоёр багшийг халлаа” гэсэн мэдээллийг хэвлэл мэдээллийн хэрэгслүүдэд өгсөн юм байна. Үүнд дургүйцсэн Б.Цэнгэлмаа захирал дахин ийм шийдвэр гаргажээ.

Эцэг эхчүүд “Өнөөдөр 213 хүүхдээс зөвхөн 50 хувь нь хичээлдээ явж байгаа. Үлдсэн хүүхдүүд хуучин багштайгаа хичээллэмээр байна гэж гомдоллож байна. Б.Цэнгэлмаа захиралтай удаа дараа уулзах гэсэн боловч эмнэлэгт хэвтсэн гэх шалтгаанаар бидэнтэй уулзахгүй байгаа. Мөн бид зохих ёсны дээд байгууллагуудад өргөдөл, гомдлоо өгсөн. Хариу мэдэгдэл одоохондоо ирээгүй байна" гэв.

Эх сурвалж:www.polit.mn