Ц.БАЯР

Цахим ертөнцөөр  “Лам хүн дэлгүүр ажиллуулдаггүй ”, “Зава Дамдин Ренбүүчи буюу Осгонбаяр лам ZD  гэсэн үнэт эдлэлийн дэлгүүр нээсэн ” тухай шуугиад байна.   Энэ талаар Зава Дамдин Ренбүүчи өчигдөр  /04.18 / телевизийн нэвтрүүлэгт оролцож тайлбар өглөө. Түүний ярианы онцлог  ишлэлүүдээс хүргэж байна. Тэрээр “Би бол бурханы шашины Очирт хөлгөн сударт суусан лам хүн. Энэхүү дээд хөлгөнд суусан хүн хааны, гөрөөсний, галзуугийн гэсэн гурван явдлаар явдаг. Би бол хааны явдлаар явж буй тул нийгмийн сайн сайхны төлөө эдийн засгийн хараат бус байхыг уг хөлгөнд суусан хүнд зөвшөөрдөг. Очирт хөлгөн сударт  сууж үзээгүй өөрөөр хэлбэл виз аваагүй  лам нар хурал номоо сайхан хураад амаа жимийгээд суух хэрэгтэй. Би ZD дэлгүүрээ чигчий хуруугаараа удирддаг. Дэлгүүр бол жижиг зүйл. Мөнгөтэй хүмүүс над дээр ирээд “Манай гэр бүлийн лам болоо сүм барьж өгье” гэх зэргээр  дорд үздэг. Би нийгмийн сайн сайхны төлөө олон зүйл хийсэн. Эх нялхасын эмнэлэгт амьсгалын аппаратууд хандивлаж байсан. Тэр болгоны сурвалжилж сурталчилаагүй байж энэ дэлгүүрийг ингэтлээ яриад байгааг ойлгохгүй байна” гэлээ.  Мөн тэрээр “Монголын хамба лам нарыг хэн томилсон юм бэ. Сүм хийдүүд томилсон уу. Миний багш нар би лав томилоогүй. Миний өвөг багш нар биднээс асуугаагүй. Тиймээс хамба болох хүн над дээр ирж  бусад лам нарын саналыг авч байж өөрийгөө хамба гэж өргөмжлөх хэрэгтэй.  Мөн япон, тайландууд далай ламыг хэзээ ч дагаж гүйгээд өргөмжлөөд байдаггүй. Ер нь гадны бодлогыг дамжуулж суудаг лам нар өөрсдийгөө хамба гээд өргөмжлөөд байгаа юм. Гэтэл Монгол лам нар  хэзээ ч ийм байгаагүй” гэлээ.

Эх сурвалж:www.polit.mn