Ц.БАЯР

Оффшор бүсэд хамааралтай улс орнуудын тодорхойлт, хамрах хүрээний  хил хязгаарын тухай асуудал хууль батлах хэлэлцүүлгийн үеэр  анхаарал татаж байсан. УИХ-аас энэ асуудлыг шийдвэрлэхдээ  Олон улсын байгууллагуудаас гаргасан жагсаалтыг үндэслэж  Монголбанк, Сангийн яамны санлыг харгалзаж Засгийн газар жил бүр тогтоож байхаар зохицуулалт хийжээ. Олон улсын зарим байгууллага оффшор бүсэд хамаардаг  улс орнуудын талаар жил бүр тодорхой хугацаанд жагсаалт гаргаж тодорхойлдог юм байна. Тухайлбал, ОУВС болон Татварын шудрага ёсны төлөөх ТББ, Олон улсын хамтын ажиллагааны нийгэмлэг зэрэг гурван байгууллагаас  улс орнуудыг жагсаадаг аж. Хамгийн сүүлд гаргасан жагсаалтаар нийтдээ 42 улс энэхүү жагсаалтад багтсан байна. Тухайлбал, Макао, Панама, АНЭУ, Бахрейн, Швейцар, Хонг конг, Люксембург,Лебанон,Маршалын арал, Жерси, Малайз, Британий вержин арлууд, Барадос, Бахамас, Мальта, Уругвай,  Айл оф мэн, Бермуда, Кипр, Лехтенштейн, Ирланд, Вануату,Самоа, Аруба, Белиз, Ботсван, Ангилья, Сент-венсен ба гренадин, Антигуа барбуда, Коста рика, Турк ба кайкосын арлууд, Сент-китс ба невис, Кукакао, Сейшелийн арлууд, Монако, Сент люсия, Бруней, Гренада, Андорра, Доминик, Күүк арал, Монтсеррат эдгээр улс орнууд багтаж байна. Гэхдээ уг жагсаалтыг хатуу мөрдөнө гэсэн үг биш. Дээрхи байгууллагууд  холбогдох шалгууруудыг хангасан эсэхийг байнга хянаж өөрчилдөг ажээ. Тиймээс энэ жагсаалтад багтсан улс орнууд одоогоор хуулийн өөрчлөлтөд хамааралтай гэж үзжээ. Харин өөрчлөгдсөн тухай бүрт хамааралтай хуулийн этгээд Засгийн газарт байнга мэдээлж байх үүрэгтэйг хуульд тусгажээ.

Эх сурвалж:www.polit.mn