Т.ДАЛАЙ

“Space” энтертайнментийн залуу уран бүтээлчид нэгэн сонирхолтой тоглолт хийх нь ээ. Тоглолтын онцлог нь үлээвэр найрал хөгжим /Wind & brass instrument/-ийг электроник хөгжимтэй хослуулах аж. Электроник хөгжим дээр л тоглож болдог алдартай аяз хөгжмийг тэд үлээвэр найрал хөгжимтэй хослуулан тоглохоос гадна дэлхийн алдартай рок, поп дуунуудыг ч мөн тоглож болохыг харуулах юм. “Space night” тоглолтод “Space” энтертайментийн “Mystical” брасс электроник хамтлаг болон жазз дуучин Оюундарь, chill pop дуучин Гүли, R&B soul дуучин Мияа зэрэг зөвхөн “Space” энтертайнментийн 11 залуу уран бүтээлчид оролцон тоглох ажээ.Сонирхуулахад “Space” энтертайнмент нь “Миний Улаанбаатар” нэртэй төсөл хэрэгжүүлж байгаа бөгөөд энэхүү төсөл нь 5 цуврал баримтат киноноос бүтэх ажээ. Тэдний хэрэгжүүлж буй төслийн гол зорилго нь Улаанбаатар хотын иргэн бүрийн оролцоо их хотын минь ирээдүйн хөгжилд томоохон хөрөнгө оруулалт болохыг уриалахад оршиж буй.

“Миний Улаанбаатар” төслийн эхний бүтээл болох “Баатар” баримтат кино нь 2017 оны 16-нд “I cinema” кино театрт нээлтээ хийсэн билээ. Тэд төслийнхөө хүрээнд Улаанбаатар хотын ойролцоо орших хүүхэд, эмэгтэйчүүдийн хорих, асрамжийн газарууд болон цэргийн ангиудаар киногоо гаргажээ. Харин тун удахгүй тэд өөрсдийн бүтээлээ олон нийтийн телевиз, сошиал сувгуудаар түгээх юм. “Баатар” баримтат кино нь нийгмийн маань томоохон асуудал болсон архины эсрэг бүтээл билээ.“Space night “ тоглолт нь “Миний Улаанбаатар” төслийн хоёр дахь бүтээл болох хогны асуудлыг хөндөх бөгөөд “Баялаг” төслийнхөө төсвийг эл тоглолтоороо босгохоор зорьж байгаа тухай бидэнд хуваалцсан юм. Тоглолт дөрөвдүгээр сарын 29-нд “The Grand Hill hotel”-ын 17 давхарт 20.00 цагт болно. Билетийг “Itiket.mn”-ээс худалдан авах боломжтой бөгөөд үзэгч, хөгжим сонирхогчдод үнэгүй хүргэлтээр хүргэж өгөх аж. Улаанбаатар хотдоо хайртай, хогны эсрэг хүн бүхэн уг тоглолтонд нэгдэхийг залуу уран бүтээлчид уриалж байна. Тоглолттой холбоотой мэдээллийг та бүхэн 90113331, 91923331, 99418760 болон 1900-1800 дугаараас лавлах боломжтой.

Эх сурвалж:www.polit.mn