Сэрэмжүүлэг: Амиа алдсан хүмүүсийн 82,5 хувь нь хамгаалах бүс зүүгээгүй байжээ

Нүүр

Геополитик

Сэрэмжүүлэг: Амиа алдсан хүмүүсийн 82,5 хувь нь хамгаалах бүс зүүгээгүй байжээ

2017-04-14

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН

Замын цагдаагийн албанаас гаргасан судалгаагаар өнгөрсөн онд зам тээврийн осолд өртсөн, холбогдсон жолооч, зорчигчдын 64,4 хувь нь хамгаалах бүс хэрэглээгүй, 19,1 хувь нь хамгаалах бүс хэрэглэсэн, 16,5 хувь нь хэрэглэсэн эсэх нь тогтоогдоогүй гэсэн үзүүлэлт гарчээ. Харин амь насаа алдсан хүмүүсийн хамгаалах бүсний хэрэглээнээс харахад 4,2 хувь нь хамгаалах бүс хэрэглэсэн, 82,5 хувь нь хамгаалах бүс хэрэглээгүй, 13,3 хувь нь хамгаалах бүс хэрэглэсэн эсэхийг тогтоох боломжгүй, тогтоогдоогүй гэсэн судалгаа байгаа юм. Зам тээврийн ослын улмаас тээврийн хэрэгслээр зорчигч, жолооч нар нь хамгаалах бүс, хамгаалах малгай хэрэглээгүйгээс эсвэл хамгаалах бүсний үйлчлэх шинж чанар нь өндөр хурднаас хамаарч үр дүнгүй болсноос онхолдох, мөргөлдөх үед автомашины жолооны хүрд, хянах самбар, салхины шил, хаалга, цонхыг мөргөж толгойдоо хүнд гэмтэл авч амь насаа алддаг байна.
Зарим жолооч нарын хувьд өөрөө хамгаалах бүс зүүсэн хэдий ч зорчигчдод хэрэглэхийг шаарддаггүй байна. Дээрх байдал нь орон нутгийн замд осол гарахад нөлөөлөн иргэдийн амь нас, эрүүл мэндэд хохирол учруулж байна гэж Замын цагдаагийн албанаас мэдээллээ.

Эх сурвалж:www.polit.mn