Хуучин орон сууцны үнэ 6,1 хувиар буурчээ

Нүүр

Геополитик

Хуучин орон сууцны үнэ 6,1 хувиар буурчээ

2017-04-14

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН

Монголбанкнаас Улаанбаатар хотын орон сууцны үнийн гуравдугаар сарын индексийг өнөөдөр /04.14/ зарлалаа. Индекс судалгааг Монголбанкны захиалгаар Үл хөдлөх хөрөнгийн "Тэнхлэг зууч" компани хийж, сар бүр олон нийтэд мэдээлдэг билээ. Тус судалгаагаар өнгөрөгч гуравдугаар сард Орон сууцны үнийн ерөнхий индекс 1,01 болж суурь үеэс 1.0%-иар өссөн дүн гарчээ. Харин өнгөрсөн оны мөн үетэй харьцуулахад 3,34 хувиар буурсан байна.

Үнийн индексийн үзүүлэлтийг шинэ орон сууц, хуучин орон сууцаар ангилж үзвэл:

Шинэ орон сууцны үнийн индекс 1,15 гарсан. Энэ нь өмнөх сараас 0,98 хувиар өссөн байна. Харин өнгөрсөн оны мөн үетэй харьцуулбал 0,61 хувиар буурсан хэвээр байна.

Хуучин орон сууцны үнийн индекс 0,91. Суурь үеэс 8,7%-ийн бууралттай гарлаа. Харин өмнөх сараас 0,99 хувиар, өнгөрсөн оны мөн үеэс 6,10 хувиар буурсан үзүүлэлт юм.

Үзүүлэлт	Ерөнхий	Шинэ о/с	Хуучин о/с
Индекс	1,01	1,15	0,91
Индексийн өөрчлөлт /суурь үе-2013.01/	1,0%	15,4%	-8,7%
Өмнөх сартай харьцуулахад	0,17%	0,98%	-0,99%
Оны эхэнтэй харьцуулахад	0,10%	-0,06%	-1,04%
Өмнөх оны мөн үетэй харьцуулахад	-3,34%	-0,61%	-6,10%