Ц.БАЯР

Монголчуудын маань үрс өсөн нэмэгдэж ихэр хүүхдийн тоо он гараад элбэг байгаа тухай ЭХЭМҮТ-ийн эмч нар ярьж байна. Тухайлбал, дөрөвдүгээр сарын 10-ны  өдөр Эх Хүүхдийн Эрүүл Мэндийн Үндэсний төвд Сүхбаатар дүүргийн 16-р хорооны иргэн  С.Батаагийн гэр бүлд гурван ихэр хүү мэндэлсэн байна. Гурван ихэр хүү нэг дор мэндлэх нь ховор гэж  эмч болон тэдний ар гэрийнхэн ихэд бэлэгшээж байна. Гурван ихэр хүү эрүүл хэвийн төрсөн бөгөөд эхэлж төрсөн хүү нь 2,2 дараагийн хүү нь  2,0  хамгийн сүүлд мэндэлсэн ах нь 1,9 кг жинтэй төржээ. Ээж Н.Мөнхзаяагийн биеийн байдал сайн байна. Одоо эднийх зургаан хүүхэдтэй болж  ам бүл 8-уулаа болсон байна. Том хүү Б.Амарбаяр есөн настай, дунд охин Б.Нандин-Эрдэнэ долоон настай, бага охин Б.Амин-Эрдэнэ гурван настай. Гэрийн эзэн С.Батаа хөдөө зам ангид ажилладаг  амьдралын боломж тийм ч сайн биш. Айлын хашаанд 67 настай аавынхаа хамт амьдардаг. Харъяа дүүрэг, хороо багийн засаг дарга нар нь эдгээр үрсэд анхаарлаа хандуулан дэмжиж туслана гэдэгт найдаж байна”  гэж эгч С.Нямсүрэн ярьж байна. Монголын үрс маш олон болтугай.

Эх сурвалж:www.polit.mn