Т.САЙХАН

Япон Улсын зүгээс 2020 онд Токио хотноо дэлхийн энх тайвны олимпийн наадам зохион байгуулагдахтай холбогдуулан гадны орнуудаас ажиллах хүч авахаар хууль эрхзүйн орчноо бүрдүүлсэн байна. Уг асуудал УИХ-ын дарга М.Энхболдын Японд Улсад хийсэн айлчлалын яригдаж, манай улсаас анагаах, барилга, зам тээврийн салбаруудаас дадлагажигчид авах шийдэлд хүржээ. Нийгэм хамгаалал, хөдөлмөрийн сайд Н.Номтойбаяр “Дадлагажигч ажилтан гаргахын тулд Япон улсад төлөөлөгчийн газрыг нэг цэгийн үйлчилгээ хэлбэрээр байгуулах шаардлагатай байгаа юм. Нэг цэгийн үйлчилгээ байгуулахад шаардагдах тоног төхөөрөмжийн зардлууд нь 288 сая төгрөг юм. Үүнийг төсвийн тодотголд суутгаад, хэлэлцүүлж байна” гэсэн тодруулгыг өглөө. Япон улс руу дадлагажигч ажилтанг тодорхой хугацаа заан илгээх бөгөөд салбарын сайдын мэдэгдэж буйгаар ойрын жилүүдэд 50 мянган иргэн илгээх боломжтой юм байна.

Эх сурвалж:www.polit.mn