Бүртгэлтэй ажилгүй иргэд 47.6 мянгад хүрчээ

Нүүр

Геополитик

Бүртгэлтэй ажилгүй иргэд 47.6 мянгад хүрчээ

2017-04-11

Нийтэлсэн: Админ

1 мин

ХУВААЛЦАХ

ЖИРГЭХ

Т.ДАЛАЙ

Үндэсний статистикийн хорооноос өнөөдөр /04.11/ зарим судалгааны талаар танилцууллаа. Энэ оны гуравдугаар сарын эцэст хөдөлмөр эрхлэлтийн байгууллагад ажил хайж бүртгүүлсэн иргэд 47.6 мянгад хүрчээ. Үүнээс, 34.4 мянга нь бүртгэлтэй ажилгүй иргэд, 13.2 мянга нь ажилтай боловч өөр ажил хайж байгаа иргэд байгаа юм. Нийт бүртгэлтэй ажилгүй иргэд өмнөх сараас 311 хүнээр өсч 34.4 мянга болжээ. Бүртгэлтэй ажилгүй иргэдийн 11.8 мянга нь Улаанбаатарт, 7.2 мянга нь Хангайн бүсэд, 6.4 мянга нь Төвийн бүсэд, 5.8 мянга нь Баруун бүсэд, 3.2 мянга нь Зүүн бүсэд байна. Аймаг, нийслэлийн хөдөлмөр эрхлэлтийн байгууллагад 2017 оны эхний улиралд ажилгүй 18.8 мянган иргэн шинээр бүртгүүлж, бүртгэлтэй байсан 2.6 мянган иргэн ажилд зуучлагдан орж, 16.2 мянган иргэн ажил идэвхтэй хайхгүй байгаа шалтгаанаар бүртгэлээс хасагджээ. Бүртгэлтэй ажилгүй иргэдийн 45.4 хувийг бүрэн дунд, 31.2 хувийг дипломын дээд болон бакалаврын, 6.9 хувийг техникийн болон мэргэжлийн, 5.9 хувийг суурь, 5.5 хувийг тусгай мэргэжлийн дунд, 2.1 хувийг бага, 1.8 хувийг магистр, доктор, 1.2 хувийг боловсролгүй иргэд эзэлж байна.

Эх сурвалж:www.polit.mn