Б.ЭНХ

Гурван жилийн өмнөх шүүхийн шинэтгэлийн хүрээнд хэрэгжсэн Шүүхийн багц хууль батлагдан шүүхийн бүтэц зохион байгуулалт шинэчлэгдсэн. Өөрч­лөлттэй хол­богдуулан анхан болон давж заал­дах шатны шүүгч нарыг аймаг, нийслэл, дүүрэг, сум дундын шүүхээс чөлөөлж шинээр бий болсон дугаар шүүхүүдэд томилуулахаар Ерөн­хий­лөгчид өргөн мэдүүлсэн юм. Энэ үеэр нийслэл, орон нутгийн 12 шүүгчийн нэрсийг Ерөнхийлөгчид илгээсэн ч ажилд нь томилоогүй явдал болсон. Ажлаас халагдсан шалтгааныг Ерөнхийлөгч болон ШЕЗ-өөс дорвитой тайлбар хэлэлгүй өдийг хүрчээ. Шүүгчид албан тушаалд нь эргүүлэн томилоогүй, хууль бусаар огцруулсан гэсэн үндэслэлээр Иргэний болон Захиргааны хэргийн анхан болон давж заалдах шатны шүүхэд хандан нэхэмжлэл, гомдол гаргажээ. Гэвч шүүх харьяаллын бус гэсэн үндэслэлээр маргаан хянан шийдвэрлэхээс татгалзаж аль ч шүүх авч хэлэлцэхгүй байгаа аж. Тэд маргааны хэргийн харьяаллыг тогтоолгохоор Үндсэн хуулийн цэцэд ханджээ.

Энэ асуудлаар Үндсэн хуулийн цэцийн дунд энэ сарын 19-нд дунд суудлын хуралдаан зарлажээ.

Эх сурвалж: www.polit.mn