Б.ЗАЯА

Цагдаагийн байгууллагын газар, хэлтсүүд нь байршлаасаа шалтгаалан Монголын цахилгаан холбоо төрийн өмчит компанийн бүсчилсэн угтвар бүхий 6-8 оронтой /34xxxx, 36xxxx, 45xxxx, 63xxxx, 68xxxx, 70xxxxxx гэх мэт/ дугаарлалттай телефон холбоог ашиглаж иржээ. Тэгвэл телефон холбооны хэрэглэгчдийг тоон технологи руу шилжүүлж байгаатай холбогдуулан Улаанбаатар цагдаагийн байгууллагын бүх хэрэглэгчийн дугаарлалтыг 7019хххх рүү шилжүүлэв. Ингэснээр иргэд, байгууллага Монголын цахилгаан холбоо компанийн 70191ххх гэсэн багцын дугаарыг хараад нийслэлд үйл ажиллагаа явуулдаг цагдаагийн байгууллагын дугаар байна гэдгийг мэдэх боломжтой. Мөн телефон хурал зохион байгуулах, дүрсээ харж ярих зэрэг технологийн боломжуудыг ашиглах боломж бүрдэх юм байна. Үүнээс гадна шинэ технологид суурилсан нэмэлт үйлчилгээнүүдийг төрлөөс нь хамаарч үнэ төлбөргүй, эсвэл хөнгөлөлттэй үнээр ашиглах, цагдаагийн байгууллагын телефон хэрэглэгчид хоорондоо дугаарын сүүлийн дөрвөн орныг ашиглан үнэ төлбөргүй ярьж, телефон холбооны зардал буурах давуу талтай ажээ.

Эх сурвалж: www.polit.mn