Ц.БАЯР

Сүүлийн үед цахим ертөнцөөр н.Далай хэмээн хүн өөрийн Facebook хуудастай ХINHU группийн Монгол Улсад хэрэгжүүлэх төслийн товч тайлбар гэсэн танилцуулга материалыг олон нийтэд түгээж байгаа билээ. Түүний бичсэн материалыг уншиж үзэхэд нэлээн сонирхол татахаар зүйл байгааг бид онцолсон юм. Уг материалд “ Манай групп  Монгол Улсын Засгийн газартай хамтарч энэхүү төслийг хэрэгжүүлснээр Монгол Улс 51 хувь ХINHU групп 49 хувийг тус тус эзэмшинэ. ХINHU групп Таван толгойн төмөр замын төслийг эхлүүлснээр  зургаан жилийн дотор бүтээн байгуулалтыг хийнэ. Цаашид тодорхой  хугацааны дараа Монгол Улсын засгийн газрын эзэмшилд  100 хувь шилжүүлэн өгнө гэсэн байх юм. Мөн  2010 онд төслийг Монгол улсын Засгийн газарт танилцуулж тендерт оролцсон боловч манай группийн нэрийг тендерийн жагсаалтаас хасаж олон нийтэд огт танилцуулагдаагүй болно. Энэ нь нэг ч авлига өгөөгүйтэй холбоотой” гэжээ. Цаашид ч энэ зарчмыг баримтлах нь хэвээрээ байгаа тухай тус компанийн төлөөлөгч н.Далай онцолоод байна. Таван  сая ам.доллар зарцуулж 100 гаруй экспертийн боловсруулсан Монгол улсын ирээдүйн хөгжилд ашигтай 50 тэрбумын хөрөнгө оруулалтаар төмөр зам тавих бусад бүтээн байгуулалтыг дан ганц өөрийн хөрөнгөөр хийх төслийг хөдөлгөх нь тус группийн сонирхол ажээ. Гэтэл яагаад манай улс энэ төслийг олон нийтэд танилцуулалгүй 7 жил хав дарсан нь сонирхол татаж байна.

Эх сурвалж:www.polit.mn