Т.ДАЛАЙ

“Жи-Тайм” сүлжээний  хохирогчид өнөөдөр /04.10/ мэдээлэл хийлээ. “Жи-Тайм корпорациас бараа худалдан авч, гишүүнээр элссэн олон мянган хүн эдийн засаг болон сэтгэл санааны дарамтад орж байдал хүнд байгаа талаар тэд мэдээлэв. Элссэн хүмүүс байр, машин үл хөдлөх хөрөнгө гэх зэргийг зарах болох барьцаалан зээл авах, мөнгө хүүлэгчдээс өндөр хүүтэй их хэмжээний мөнгө зээлсэн байна. Хэвлэлийн хурлын үеэр хохирогчид компанийн маркетингийн зарчмаар шуудангаар ажиллаж байсан хүмүүсийн мөнгийг дундаас нь луйвардсан бүлэг хүмүүсийн уршигаар энэ бизнес зогсоход хүрсэн хэмээн мэдээллээ.  Мөн энэхүү бизнесийг цагдаагийн байгууллага шалгах нэрээр бүрэн зогсоосон нь нийгэмд еолон сөрөг үр дагавруудыг бий болгож байна. Жишээлбэл, ах дүү хамаатан садан хоорондоо мөнгөнөөс болж зодолдож, дайсагнаж, гэр бүл салж, өдрийн өндөр хүүтэй зээл авсан иргэдийн зээл цаг минутаар өсөж хүнд байдалд байгаа иргэд амиа хорлох үйлдэл хүртэл гаргаж байна” гэлээ. Одоогийн байдлаар хөрөнгө оруулагч Ж.Марат тэргүүтэй хэсэг хүмүүсийг хууль хяналтын байгууллага шалгаж эхлээд сар гаруй хугацаа өнгөрч байгаа ч энэ бизнест хөрөнгө оруулаад хохирсон иргэдийн нэг нь ч хохирлоо барагдуулаагүй байгаа юм байна.  Нийгэмд үүссэн хурцадмал нөхцөл байдлаас үүдэлтэй сөрөг үр дагаврууд түүний хариуцлагыг монголын төр хариуцах уу гэдгийг хохирогчид ярьж байна. Хохирогчдын төлөөлөл  Н.Тогоонхорол “Хүн хэзээ ч баталгаагүй зүйлд тийм их хэмжээний мөнгө хөрөнгө оруулахгүй, бүгд баталгаатай эсэхийг шалгаж байж элсэн орсон. Баталгаатай гэж үзэхэд хэд хэдэн үндэслэл бий. Нэг сарын хугацаанд манай улсад нэг тэрбум 300 сая төгрөгийн татавар төлсөн байна. Дараагийн мөн хэмжээний мөнгийн манай улсад төлөх гарын үсэг зурах гэж байсан. Цаашид хэвийн үйл ажиллагаа явуулж байсан бол ингэж олон хүн өрөнд орж, хүнд байдал үүсэхгүй байсан. Энэ хэлбэр цаашид хүндэрч, хохирлоо барагдуулахгүй бол тэмцлийн хурц хэлбэрт шилжихэд бэлэн байна” гэв.

Эх сурвалж:www.polit.mn