С.САРУУЛ

ОУВС-тай хийж буй хэлэлцээртэй холбогдуулан 2017 оны төсвийг тодотгохоор болсон. Түүнчлэн төсвийн тодотголын хүрээнд зарим хуульд  өөрчлөлт оруулахаар тусгажээ. Тодруулбал, төсвийн тодотголтой уялдуулан Цэргийн албан хаагчийн эрхзүйн байдлын тухай хуульд өөрчлөлт оруулж, зарим зүйл заалтыг буцаах юм.

Тэгвэл хууль санаачлагчдаас гадаадын цэргийн сургууль, академи, дамжаанд суралцагчийг сонгон шалгаруулах, сургалтын тэтгэлгийн хэмжээ, тэтгэлэг олгох журмыг Засгийн газар баталдаг байхаар,  Хөдөлмөрийн хуульд нийцүүлэн офицер, ахлагч, цэргийн гэрээт алба хаагч жил бүр ажлын 15 өдөр амрахаар, гадаадын цэргийн сургуульд суралцагч офицер, ахлагчид суралцах хугацаанд нь сургалтын тэтгэлэг олгодог байхаар тусгажээ. Мөн  цэргийн анги, байгууллагаас байраар хангагдаагүй цэргийн алба хаагчдын орон байрны нийгмийн асуудлыг Төрийн албаны тухай хуулиар шийдвэрлэхээр, түүнчлэн цэргийн тэтгэвэр тогтоолгосон бэлтгэл, чөлөөнд байгаа дээд офицерт урьд эрхэлж байсан албан тушаалын цэргийн цолны цалинг харьяалсан үндсэн байгууллага сар бүр олгохгүй, улсын хил болон алслагдсанд тооцох анги, байгууллагад таван жилээс дээш хугацаагаар алба хааж байгаа офицер, ахлагчид нэг удаагийн мөнгөн урамшууллыг  таван жил тутамд олгохгүй байхаар Цэргийн алба хаагчийн эрх зүйн байдлын тухай хуульд өөрчлөлт оруулах тухай хуулийн төслийг боловсруулжээ.

Эх сурвалж: www.polit.mn