Б.ЭНХ

Монгол  улсад  1990 оноос хойш аялал жуулчлал эрчимтэй хөгжиж, гадаад, дотоодын зах зээлд нэр хүнд өсч байгаа билээ. Гэсэн хэдий ч аялал жуулчлалын компаниудын бүтээгдэхүүний ялгарал муу, боловсон хүчний чадвар, чадавхиас хамааран тусгай сонирхлын аялал жуулчлал дорвитой хөгжиж чадахгүй байна. Ялангуяа дэлхийд нилээд онцлогт тооцогдох амьд байгальд түшиглэсэн, байгальд ээлтэй аялал жуулчлалыг хөгжүүлж чадахгүй байгааг салбарын мэргэжилтнүүд ярьдаг. Энэ үүднээс Байгаль орчин, аялал жуулчлалын яамны дэмжлэгтэйгээр Монголын шувуу судлалын нийгэмлэг, МУИС хамтран зохион байгуулдаг шувуу, хөхтөн, цэцэгт ургамал, загас, хоёр нутагтан, мөлхөгчид зэрэг чиглэлээр аяллын хөтөч, тайлбарлагчаар мэргэшин ажиллах, түүнчлэн дээрх чиглэлээр аяллын бүтээгдэхүүн боловсруулж олон улсын зах зээлд өрсөлдөх сонирхолтой хувь хүн болон албан байгууллагад зориулан “Тусгай сонирхлын аяллын хөтөч тайлбарлагчийн ур чадвар олгох сургалт"-ыг жил бүр зохион байгуулдаг болжээ. Сургалт энэ сарын 12-ноос эхлэн ирэх сарын 2 хүртэл үргэлжилнэ.

Эх сурвалж: www.polit.mn