Б.ЗАЯА

Нийслэлийн Залуучуудын хөгжлийн газар, “JCI Лидер” салбар байгууллагатай хамтран “Эерэг сэтгэлгээний давалгаа” сургалтыг Нийслэлийн  есөн дүүргийн 152 хороонд зохион байгуулахаар төлөвлөсөн билээ. Тэгвэл эерэг сэтгэлгээний давалгааг Сонгинохайрхан дүүргээс эхлүүллээ.

сургалтад Сонгинохайрхан дүүргийн 23, 18 ,6, 19, 5, 27 дугаар хорооны 100 гаруй иргэн оролцов.  сургалтыг Нийслэлийн Залуучуудын хөгжлийн газрын дарга С.Сүх-Очир нээж “Хязгаар үгүй мөрөөд” сэдвээр илтгэл тавив. Өнгөрсөн хугацаанд Нийслэлийн Залуучуудын хөгжлийн газраас хэрэгжүүлж буй “Эерэг сэтгэлгээний давалгаа аян”-ы хүрээнд олон цуврал сургалт зохион байгуулсан бөгөөд одоогоор 3000 гаруй залуусыг хамруулаад байна.

“Эерэг сэтгэлгээний давалгаа” сургалтын талаар Нийслэлийн Залуучуудын хөгжлийн газрын дарга С.Сүх-Очир “Нийгмийн сэтгэл зүйд сөрөг хандлага давамгайлж байгаагийн нэг тод жишээ бол олон нийтийн сүлжээнд хүмүүс хэрхэн харилцаж байгаагаас тодорхой харагдаж байна.  Иргэний боловсрол, хүмүүжил, мэдлэг, ур чадвар, ёс зүй, харилцаа, хандлага гээд олон зүйлийг анхаарах хэрэгтэй байгаа юм.  Орчин үеийн нийгэмд харилцаа, хандлагын хүчин зүйлийн нөлөө өсөн нэмэгдэж байгаа бөгөөд эерэг сэтгэлгээтэй байх нь амжилтад хүрэх  үндсэн нөхцөл болдог. Тиймээс бид энэхүү цуврал сургалтыг нийгэмд давамгайлсан сөрөг уур амьсгалыг өөрчлөх, залуучуудад эерэг сэтгэлгээ төлөвшүүлэх зорилготойгоор нийслэлийн бүх дүүргийн иргэд,  оюутан залуусыг өргөн хүрээтэй хамруулан зохион байгуулж байна” гэлээ.

Эх сурвалж: www.polit.mn