Т.ДАЛАЙ

Өчигдөр 0.4.06-ны өдөр, Замын цагдаагийн албанд нийт 302 дуудлага мэдээлэл ирснээс зам тээврийн ослын 225 дуудлага бүртгэгдсэн байна. Дээрх осол хэргийн улмаас 11 хүн гэмтэж, орон нутагт есөн хүний амь нас хохирчээ. Тухайлбал, Өмнөговь аймгийн Цогтцэций сумын төвөөс зүүн урагш 10 км-т шороон замд T.Landcruiser маркийн автомашин онхолдож, жолооч Б-н амь нас хохирч, хоёр хүн гэмтсэн хэрэг гарчээ. Мөн Дундговь аймгийн Луус сумын нутаг асфальтан замд зам дээр зогсож байсан гэх Jianghuai HFC4253 маркийн автомашины араас T.Corolla маркийн автомашин мөргөж, жолооч зорчигч нарын дөрвөн хүний амь нас хохирч, нэг хүн гэмтсэн хэргүүдийг харъяа аймгийн Цагдаагийн газарт шалгаж байна. Хөдөө, орон нутгийн замд жолооч нар хурд хэтрүүлэх, согтуугаар тээврийн хэрэгсэл жолоодох, хэт ядарсан үедээ тээврийн хэрэгсэл жолоодох, шөнө оройн цагаар гэрэл шилжүүлэхгүй байх, мөн нарийн замд гүйцэж түрүүлэх үйлдлийг буруу хийх, анхаарал болгоомжгүйн улмаас зам тээврийн осолд өртөж, холбогдон амь нас, эрүүл мэндээрээ хохирч байна.

Эх сурвалж:www.polit.mn