Б.ЭНХ

Нийслэлийн Залуучуудын хөгжлийн газар, “Тод-Эйч” хүүхдийн өсөлтийн клиник эмнэлэгтэй хамтран хүүхдийн өсөлтөд сөргөөр нөлөөлөх хүчин зүйлс, хорт хүнд металлын хордлого болон эрдэс минералын дутагдалын талаар Баянгол дүүргийн “Залуучуудын хөгжлийн төвд” сургалт зохион байгууллаа.

Нийслэлийн Засаг даргын 2016-2020 оны мөрийн хөтөлбөрийн 4.6.3 дахь хэсэгт Залуучуудын эрүүл мэндийн боловсролыг сайжруулахаар тусгагдсантай цаашид энэ сургалтыг нийслэлийн дүүргүүдэд шат дараатай зохион байгуулах юм.

“Тод-Эйч” хүүхдийн өсөлтийн клиник эмнэлгийн захирал Д.Тодням,  хүүхдийн их эмч А.Цэрэнням нар хүүхдийн өсөлт ба өсөлтийн даавар, өсөлтөд сөргөөр нөлөөлөх хүчин зүйлүүд, өсөлтийн эмгэг гэж юу вэ, хорт хүнд метал гэж юу болох талаар эцэг, эхчүүдэд мэдээлэл, зөвлөгөө өглөө.

Тухайлбал, өсөлтийн эмгэг гэдэг нь нас чацуу, ижил хүйсний хүүхдүүдийн дундаж жин, өндөртэй харьцуулахад гурван хувиас доош байх тохиолдлыг хэлдэг. Тодруулбал жилд дөрвөн см-аас бага өсөх, тухайн насны хүүхдийн дундаж өндрийн хэмжээнээс 10 дээш см- аар намхан хүүхдийг өсөлт хэт удаан гэж үздэг байна. Хорт хүнд металлаас батга, хамрын хөндийн үрэвсэлт өвчин, зүрхний өвчин, таргалалт, үсний уутанцрын үрэвсэл, өтгөн хатах артерийн судасны хатуурал, гэдэсний үрэвсэл, даралт ихсэх, хорт хавдар, харшил зэрэг маш олон төрлийн өвчин үүсдэг байна.  

Эх сурвалж: www.polit.mn