Б.ЗАЯА

Сүхбаатар дүүргийн тусгай сургалттай 29 дүгээр сургуулийн сурагчид сурч, боловсрох эрх нь ноцтой зөрчигдөж байгаа талаар мэдээлэл хийж өнгөрсөн долоо хоногт сургуулийнхаа үүдэнд жагссан юм. Сургуулийн багш нар сонсголын бэрхшээлтэй сурагчдад дохионы хэлээр хичээлээ заадаггүй нь хамгийн том бэрхшээл гэж байв. Түүнээс гадна сургуулийн багш нар сурагчдад янз бүрийн дарамт үзүүлдэг тухай ч ярьж байв. Тэгвэл өнөөдөр тус сургуулийн багш нар мэдээлэл хийлээ. Тэд сурагчдын хэлж буй, хэвлэл мэдээллийн хэрэгслээр гарч байгаа мэдээлэл буруу ташаа гэв.

 “Сонсголын бэрхшээлтэй хүүхдийн 29-р тусгай сургуулийн багш нар сурагч охидыг хүчирхийлдэг, эрэгтэй сурагчдаа зоддог, багш нар нь архи уудаг, залуу багш нар нь хоорондоо бэлгийн харилцаанд ордог” гэх утгатай мэдээллийг нийтэлсэн зарим хэвлэл мэдээллийн хэрэгслийг мэргэжлийн ёс зүйгүй ажилласан гэж үзэн цагдаагийн байгууллагад хандахаар болжээ.

БСШУС-ын яамнаас 29 дүгээр сургуульд шалгалт хийж байгаа ч одоогоор дүгнэлт гараагүй байгаа юм.

Эх сурвалж: www.polit.mn