Б.ТУУЛ

Боловсролын үнэлгээний төвийнхөн элсэгчдэд зориулсан нээлттэй хаалганы өдрийг дөрөвдүгээр сарын 1-ний өдөр зохион байгуулахаар болжээ. Энэ үеэр элсэгчдэд хүссэн зөвлөгөө мэдээллийг өгөх, элсэгчдийг бүртгэх, мөн элсэгчдээс ирсэн өргөдөл гомдол, санал хүсэлтийн асуудлыг шийдвэрлэх ажээ. Мөн шалгуулагчдаас элсэлтийн ерөнхий шалгалтын сорил даалгаврыг авч дүнг нь танилцуулах юм байна. Түүнчлэн ерөнхий боловсролын сургууль төгсөгчдөд “Элсэлтийн ерөнхий шалгалт”, “Мэргэжил сонголт” гэсэн сэдвээр лекц, уулзалт зохион байгуулахаар төлөвлөж байгаа аж.  Боловсролын үнэлгээний төвөөс саяхан ерөнхий боловсролын сургуулийн  улсын шалгалтын хуваарийг гаргаад байна. Энэхүү улсын шалгалт нь ЕБС-ийн бага, суурь, бүрэн дунд боловсролын сургалтын хөтөлбөрийн хэрэгжилтийн төвшинг тогтоох, төгсөх ангийн сурагчдын чанарын үнэлгээнд  дүн шинжилгээ хийх нөхцлийг бүрдүүлж, суралцагчдын мэдлэг, чадварыг бодитойгоор үнэлэх зорилготой юм. Улсын шалгалтыг 2017 оны хичээлийн жилд үйл ажиллагаа явуулж буй  ЕБС-ийн 5, 9, 12 дугаар ангийн төгсөгчдөөс авах юм.

ЕБС-ийн улсын шалгалтын хуваарь

5 дугаар анги

1.    Монгол хэл  5-р сарын 22

2.    Математик  5-р сарын 24

3.    Байгаль шинжлэл  5-р сарын 26

 9 дүгээр анги

1.    Монгол хэл  5-р сарын 25

2.    Математик  5-р сарын 26

3.    Байгалийн ухаан  5-р сарын 29

4.    Нийгмийн ухаан  5-р сарын 30

12 дугаар анги

1.    Монгол хэл  5-р сарын 24

2.    Математик  5-р сарын 25

3.    Сонгосон агуулга  5-р сарын 26

4.    Гадаад хэл  5-р сарын 29