С.САРУУЛ

Төрийн орон сууцны корпораци” ТӨҮГ нь Улаанбаатар хотын бага, дунд орлоготой иргэдэд зориулан “Буянт-Ухаа 2” цогцолбор хороололыг барьж ашиглалтад оруулахаар төлөвлөснөөс эхний ээлжийн 1620 айлын орон сууцны 30 барилга, 240 хүүхдийн 1 цэцэрлэгийг барьж 2015 оны 12 дугаар сард ашиглалтад оруулж, улсын комисст хүлээлгэн өгсөн аж.

Гэвч бүрэн ашиглалтад орсон энэхүү цэцэрлэгийн ашиглалтыг хариуцах байгууллага өнөөдрийг хүртэл тодорхойгүй байгаагаас шалтгаалан ТОСК нь дулаан, цахилгаан, харуул хамгаалалтын зэрэг төлбөрүүдийг барагдуулж, үргүй зардал ихээр гарах нөхцөл болжээ. “Буянт-Ухаа 2” хороолол нь ойр орчимдоо сургууль, цэцэрлэггүй бөгөөд цэцэрлэгийн насны хүүхэд олонтой, шинэ суурьшлын бүс учир оршин суугчдаас цэцэрлэгийг ашиглалтад оруулж, хүүхдүүдийг сургуулийн өмнөх боловсролд хамруулах санал, хүсэлтийг байнга ирүүлсээр байгаа аж.

Энэхүү цэцэрлэгийн асуудлаар Боловсрол, соёл шинжлэх ухаан, спортын яам, Нийслэлийн засаг даргын тамгын газар, Нийслэлийн боловсролын газар, Хан-Уул дүүргийн Засаг дарга зэрэг холбогдох байгууллага, албан тушаалтнуудад удаа дараа хандсаны дүнд Нийслэлийн Өмчийн харилцааны газраас 2017.01.04-ний өдрийн 3/05 албан тоотоор хариу ирүүлж, Буянт-Ухаа 2 хорооллын 240 хүүхдийн цэцэрлэгийг Нийслэлийн өмчид бүртгэн авч, үйл ажиллагааг эхлүүлэх боломжтойг дурьдсан байна.

Эх сурвалж: www.polit.mn