С.САРУУЛ

Бүгд Найрамдах Солонгос Улсаас Монгол Улсад суугаа ЭСЯ-ны Консулын хэлтсээс өнөөдөр /2017.03.17/ визний журмын талаар мэдээлэл өглөө. Тус улсад визгүй зорчдог байсан иргэдийн журамд өөрчлөлт орж, энэ сарын 1-нээс олон удаагийн виз олгох болсон байна. БНСУ-аас Монгол Улсад суугаа ЭСЯ-ны Консулын хэлтсийн зөвлөх И Жэ Юү “БНСУ-д байнгын визгүй зорчих иргэдийн журамд өөрчлөлт оруулж, олон удаагийн визтэй боллоо. Таван жил БНСУ-д байх хугацаа нь 30 хоног байх юм. Таван жилийн хугацаат визийг энгийнээс богино хугацаанд шийдвэрлэж өгч байгаа. Монголын албаны паспорттой болон дипломат паспорттой иргэн БНСУ-д визгүйгээр 90 хоногийн дотор зорчих нөхцөл хангагдсан харин энгийн паспорттой иргэдэд хамаарахгүй” гэлээ. Таван жилийн хугацаат визийг авах иргэд хоёр жилийн дотор дөрвөөс дээш зорчсон байх эсвэл нийт 10-аас дээш удаа зорчсон бөгөөд сүүлийн хоёр жилийн дотор заавал нэг удаа БНСУ-ын хилээр орж гарсан байх шаардлагатай юм. Мөн сүүлийн гурван жилийн туршид БНСУ-д хууль бусаар оршин сууж байгаагүй, БНСУ-ын дотоод хууль журмыг чандлан сахисан байх ёстой бөгөөд 500,000 вонын торгууль хүлээсэн эсвэл БНСУ-аас албадлагаар гарч байсан иргэдхамаарахгүй юм байна. Түүнчлэн энэ нөхцөл бус бусад бүх орнуудад ч хамаарах аж.

Өмнө нь Европын найман орноор дамжин ирж байгаа иргэдийг визгүйгээр 30 хоногийн турш зорчуулдаг байсан бол одоо 30 орон болгож, нэмэгдүүлсэн байгаа. Өөрөөр хэлбэл, эдгээр 30 орны аль нэг улсын визтэй Монгол иргэн БНСУ-аар дамжин явах гэж байгаа тохиолдолд тухайн иргэнийг 30 хоногийн турш визгүй зорчуулна гэсэн үг юм.

Эх сурвалж: www.polit.mn