Ц.ЭНХТУНГАЛАГ

Хит болсон олон дууны шүлгийн эзэн, МЗЭ-ийн шагналт яруу найрагч Д.Ган-Очир “Бясалгагч шүүдэр” номоо хэвлүүлжээ. Түүнийг яруу найрагч Д.Нямсүрэн найрагчийн шавь гэдгээр нь андахгүй биз ээ. Тэрээр Дорнод аймгийн Чойбалсан хотын арван жилийн сургуулийг төгсөж уран зохиолын багш Д.Батдэлгэр нь түүнийг яруу найрагч Д.Нямсүрэнтэй уулзуулж өгсөн гэдэг. Анх 1993 онд Дорнод аймгийн “Нөхөд” хамтлагийнханд дууны шүлэг бичиж байжээ. 1994 онд оюутан болж О.Дашбалбар тэргүүтэй Монголын “Мөнгөн үе”-ийн яруу найрагчидтай холбогдож шүлэг яруу найрагтай амьдралаа холбожээ. Түүний бичсэн хоёр зуу гаруй дууны шүлгээс дийлэнх нь рок попынхноор дамжин олон түмэнд хүрчээ. Тав орчим хувь нь харин зохиолын дуу байдаг аж. Шүлэг яруу найргийн замналаар хорь гаруй жил хөдөлмөрлөж өмнө нь “Зүүдний зураг”, “Цаг хугацааг нэрэхүй”, “Бие галбирлаг сарны доор”, “Сүүлчийнх гэж дурласаар байтал”, “Урин…”, “Үүлсийн галбир” зэрэг яруу найргийн номоос гадна “Хайр…Аялгуу”, “Шүлгэнд ассан аялгуу”, “Хайрын цомог”, “Дуурсахуй” дууны шүлгийн эмхэтгэлээ уншигчдад хүргэж байв. Харин энэ удаа“Бясалгагч шүүдэр” номын хоёр дахь хэвлэлэээ уншигчиддаа ийнхүү хүргээд байна.

Эх сурвалж:www.polit.mn