Д.БАЯР-ОТГОН

Жил ирэх тусам Солонгос улсыг зорих монголчуудын тоо нэмэгдсээр байна.  Монгол улсад суугаа БНСУ-ын ЭСЯ энэ сарын 1-нээс визийн журамдаа байнгын зорчдог иргэд ч олон удаагийн виз авна гэсэн өөрчлөлт оруулсан билээ. Энэхүү өөрчлөлт орсноор солонгос улс руу зорчих виз мэдүүлгийн төвүүдийн ачаалал эрс нэмэгдээд байна.  Одоогоор виз хүлээн авдаг долоон төв нийслэлийн хэмжээнд ажиллаж буй юм. “Паспорт интернэшнл”, “Монгол Солонгосын хүмүүнлэгийн харилцааны нийгэмлэг”, “Бридж Хан-Монлау” гэсэн гурван байгууллага иргэдэд үйлчилдэг байсан бол өмнөх жилд  дөрвөн байгууллага шинээр нэмэгджээ. Бид “Чингис Жоней “ виз мэдүүлгийн төвд өнөөдөр /03.14/ очиход хөл хөдөлгөөн ихтэй байв. “Чингис Жоней “ компанийн гүйцэтгэх захирал Т.Мөнхцэцэг “Виз мэдүүлэгчдийн төвүүд  өмнөхөөсөө хоёр дахин ачаалалтай ажиллаж байна.  Мөн виз 15 хоногт шалгагдаж хариу нь гарч байгаа” гэлээ. Монголчууд гадаад ертөнцийн хаалга үүдийг нээж бие биедээ чөлөөтэй орж гардаг болсноос хойш Монголын хамгийн их очсон газар бол  нэгдүгээрт Хятад улс, дараа нь Солонгос улс юм.  Сүүлийн арваад жил бараг айл болгоноос нэг хүн Солонгос улсыг зорих болсон байна. Өмнөд Солонгосын хүн амь 50 сая гарчээ. Маш том зах зээл нэг сая орчим гадаадынхан оршин сууж байгаа нь хүн амын хоёр хувьтай нь тэнцэх аж. Үүнд элэг нэгт монголчууд маань 34 мянга гаруй байдаг гэсэн судалгаа гарсан. Солонгос улсад 2020 он гэхэд гадаадынхан 3.6 саяд хүрч хүн амын 7.2 тэнцэнэ гэж үзэж байгаа аж.

Эх сурвалж:www.polit.mn