Г.ЖАРГАЛ

Иргэдийг залилсан нь тогтоогдоод буй Казакстан улсын "Жи Тайм" сүлжээний талаар цагдаагийн байгууллагаас албан ёсны мэдээллийг өгөв. Мөрдөн байцаах газрын хүнд гэмт хэрэг мөрдөх хэлтсийн дарга, дэд хурандаа Ө.Эрдэнэхүү “Бүгд найрамдах Казахстан улсын иргэн Ж.Марат нь 100 хувийн хөрөнгө оруулалттай Жи Тайм корпорацыг байгуулсан. Тус компани нь Монгол Улсын аж ахуй нэгжийн тусгай зөвшөөрлийн тухай хуулийн олон шатлалт маркетинг буюу санхүүгийн пирамид тогтолцооны замаар бусдыг мэхэлж ашиг хонжоо олох хориглосон үйл ажиллагаа явуулж заллилангийн гэмт хэрэг үйлдсэн учир мөрдөн байцаах газар шалгаж байна. Корпорацийн захирал Ж.Маратыг хоёрдугаар сарын 17 ны өдөр  хилээр гарах гэж байх үед нь саатуулж эрүүгийн хэрэг үүсгэн шалгаж байна. Энэ хэрэг дээр тус компанийн гүйцэтгэх захирлуудыг давхар шалгаж байгаа. Компанийн үйл ажиллагааг зогсоосон” гэлээ. Мөн компанийн үйл ажиллагаа сэргэнэ, хэвийн явагдаж байгаа гэх мэдээлэлд иргэд итгэж болохгүй. Толгой компанид биш цагдаагийн байгуулагад өргөдлөө гаргах хэрэгтэй гэдгийг цагдаагийн байгууллагаас энэ үеэр анхаарууллаа.  

Эх сурвалж: www.polit.mn