С.УЯНГА

Олон Улсын Эмэг­тэйчүүдийн эрхийг хамгаалах өдрийг тохиолдуулан “Сайхан монгол ээж” эмэг­тэй­чүүдийн чуулга уулзалтыг Төрийн ордонд зохион байгуулав. Энэхүү арга хэмжээг УИХ, Засгийн газрын эмэгтэй гишүүд са­наачилжээ. Энэ үеэр Ерөнхий сайд Ж.Эрдэнэбат, УИХ-ын дарга М.Энхболд болон эмэгтэй гишүүдийн төлөөлөл хот, хөдөөгөөс хүрэлцэн ирсэн ээжүүдэд мэндчилгээ дэвшүүлсэн юм. Мөн Ерөнхий сайд Ж.Эрдэнэбат есөн ээжид “Сайхан монгол ээж” өр­гөмж­лөл гардууллаа. Тэ­рээр “Улс орны хөгжлийг түүчээлж, эх орныхоо төлөө эрэлхэг гавьяа байгуулсан хатан зоригт Монгол эмэг­тэй­чүүдийн баатарлаг үйлсийн тухай түүх өдгөө монгол угсаатнуудын дунд мөнхрөн үлджээ. Монгол Улсын Засгийн газар эмэгтэйчүүдийнхээ хөдөл­мөр эрхлэлтийг дэм­жих, тэдний нийгмийн ба­тал­гааг хангах, тэгш эр­хээр хангагдсан хүчир­хийлэлгүй тайван орчинд амьд­рах нөхцөлийг бүр­дүүлэх зэрэг тулгамд­сан асууд­луудыг шийдвэр­лэ­хээр 2016-2020 оны үйл ажиллагааны хө­төл­бөртөө тодорхой заал­туудыг тусган оруулж, хэ­рэг­­жүүлж байна” гэдгийг онцоллоо. Улс ний­­гэмдээ үр бүтээлтэй ажил­лаж хөдөлмөрлөхийн зэ­рэгцээ олон сайхан үр хүү­хэд төрүүлж өсгө­сөн  Ш.Цэрэнхүү,  Ш.Өлзий­баяр, М.Жавзмаа, Б.Аръяа, Т.Цогмөнх, Г.Кагазбек, Ч.Цэрэнханд, Т.Наран­цэцэг, Ж.Насан­тогтох нарыг нэрлэсэн юм. Энэ үеэр Дархан аварга Г.Өсөхбаярын ээж Ж.Насантогтох “Монголын бүх эмэг­тэй­чүүддээ Олон улсын эмэгтэйчүүдийн эрхийг хамгаалах өдрийн мэнд хүргэе. Энэ сайхан арга хэмжээг төр, засгаас зо­хион байгуулж, өргөмжлөл гардуулсанд баяртай байна. Би Увс аймагт 26 жил ажилласан. Гол төсөв соёлын ажил эрхэлж байсан. Зургаан сайхан хүүхдийн ээж . Миний хүүхдүүд мэргэжил боловсролтой, эх орныхоо хөгжил дэвшлийн төлөө зүтгэж явна” хэмээн сэтгэгдлээ хуваалцлаа.