Б.ЭНХ

Сар шинийн баярыг угтаж, Шүүхийн шийдвэр гүйцэтгэх ерөнхий газрын удирдлагууд ахмад настнуудаа хүлээн авч уулзан, хүндэтгэл үзүүлж, гарын бэлэг гардууллаа.

Шүүхийн шийдвэр гүйцэтгэх байгууллагын үндэс суурийг тавьж, тулгын чулууг босголцож явсан 1300 гаруй ахмад настнууд өдгөө гавьяаныхаа амралтанд гарчээ.

Шүүхийн шийдвэр гүйцэтгэх ерөнхий газраас ахмад настнуудаа хүлээн авч уулзан, тэдний санал сэтгэгдлийг тогтмол сонсож ажилладаг байна. 

Мөн харьяа хорих анги, шийдвэр гүйцэтгэх алба, салбар нэгжүүдийн хэмжээнд ахмад настны талаар авч хэрэгжүүлэх удирдлага, зохион байгуулалтын зарим арга хэмжээг эрчимжүүлэн, тэдэнтэй хамтран ажиллах явдлыг улам сайжруулах зорилгоор 2016 оны арваннэгдүгээр сарын 2-ны өдөр ахмад настны талаар авах зарим арга хэмжээний тухай ШШГЕГ-ын даргын албан даалгавар гаргаж, энэхүү ажлын хүрээнд Шүүхийн шийдвэр гүйцэтгэх байгууллагын ахмад настны эрх ашгийг хамгаалах, эрүүл мэнд, нийгмийн хамгааллыг сайжруулах, халамжийн үйлчилгээнд хамруулах, ахмад, дунд, залуу үеийн холбоог бэхжүүлэх чиглэлээр анхаарч, тусалж дэмжих, хамтын ажиллагааг хууль тогтоомжийн заалт, байгууллага, албаныхаа санхүүгийн бодит боломж, нөхцөл байдалдаа нийцүүлэн зөв, оновчтой хэлбэрээр зохион байгуулан ажиллаж байна. 

Эх сурвалж: www.polit.mn