Б.ТУУЛ

Үндэсний уламжлалт цагаан сарын баярыг тохиолдуулан Хан Уул дүүргийн Иргэдийн хурлын тэргүүлэгчид  ахмадуудаа хүлээн авч уулзан, хүндэтгэл үзүүллээ. Хүндэтгэлийн арга хэмжээнд  тус дүүргийн ИТХ-д олон жил ажиллаж байгаад гавьяаныхаа амралтанд гарсан 16 ахмад настан  хүрэлцэн ирсэн байна.  Энэхүү арга хэмжээг дүүргийн удирдлагууд жил бүр зохион байгуулдаг бөгөөд энэ үеэр  ахмадууддаа сүүлийн үед хийгдэж буй томоохон ажлуудаа танилцуулж, тэдний санал хүсэлтийг сонсож, халуун дотно яриа өрнүүлдэг. Үүнд нь төрийн байгуулагад олон жил ажиллаж, мэдэх, чадах бүхнээ ард иргэд, эх орныхоо төлөө зориулсаар ирсэн ахмад настнууд талархаж байгаагаа хэлж байв. Энэхүү хүндэтгэлийн арга хэмжээний үеэр Хан-Уул дүүргийн ИХТ-ийн дарга Б.Цэрэн сар шинийн баярыг тохиолдуулан нийт ахмадууддаа гарын бэлэг гардуулж эрүүл энхийг хүсэн ерөөгөөд “Өчигдөргүй өнөөдөр гэж байхгүй” учир ахмадуудынхаа үнэтэй сургаалийг цаашид ч хүндэтгэн сонсож, санал зөвлөмжийг нь тусган ажиллана гэдгээ илэрхийлж байсан юм. 

Эх сурвалж: www.polit.mn