Д.Баяр-Отгон

Баянгол, Хан-Уул, Сонгинохайрхан дүүргийн Иргэний хэргийн анхан шатны шүүхээс 2016 оны Шүүн таслах ажиллагааны нэгдсэн дүнгээ өнөөдөр /01.10/ танилцуулав.  Баянгол, Хан-Уул, Сонгинохайрхан дүүргийн Иргэний анхан шатны шүүх нийт 12022 хэрэг шийдвэрлэсэн нь улсын хэмжээнд шийдвэрлэсэн иргэний хэргийн 26 хувийг эзэлж байна.  Мөн анхан шатны шүүхийн шийдвэрлэсэн иргэний хэргийн тоо 2015 оны мөн үеэс 1558 хэрэг буюу 14.8 хувиар өсчээ. Иргэний хэрэг ийнхүү өсөхөд худалдах, худалдан авах болон арилжаатай холбоотой маргаан 2015 оноос 773 хэргээр буюу 26.4, зээлийн гэрээний маргаан 407 хэргээр буюу 18.6 хувиар, банкнаас олгох зээлийн гэрээтэй холбоотой маргаан 212 хэргээр 16.5 хувиар, мөн ажлаас үндэслэлгүй халагдсан маргаан, цалин хөлсний маргаан 146 хэргээр 45.3 хувиар тус бүр өссөн нь гол нөлөөлжээ.  Хөдөлмөрийн тухай маргаан 18.3 хувиар өсч, гэр бүлийн маргаан 11.1 хувиар буурсан, шүүх дэх эвлэрүүлэн зуучлагчид 2016 онд гарсан өргөдлөөр шийдвэрлэсэн нийт 1099 өргөдлийн 583 буюу 53 хувь нь иргэний эрх зүйн маргаан, 516 буюу 46.95 хувь гэсэн үзүүлэлтэй байна. Баянгол, Хан-Уул, Сонгинохайрхан дүүргийн Иргэний хэргийн анхан шатны шүүх 2016 оны эхний хагас жилд төрийн санд 2.085.724.903 төгрөгийн орлого оруулсан гэлээ.  

Эх сурвалж:www.polit.mn