Д.БАЯР-ОТГОН

Улаанбаатар хотын цагдаагийн газар “Сар шинэ” нэгдсэн арга хэмжээний хүрээнд онц ноцтой гэмт хэрэг илрүүлсэн цагдаагийн албан хаагчдад өнөөдөр шагнал гардуулав.

 Энэхүү онц ноцтой гэмт хэрэг иlрүүлсэн найман албан хаагчид Улаанбаатар хотын цагдаагийн газраас баярын бичиг гардуулсан бол хүндэт тэмдгээр Чингэлтэй дүүрэг дэх цагдаагийн нэгдүгээр хэлтсийн эргүүлийн офицер, цагдаагийн дэслэгч Б.Ууганбат, Сүхбаатар дүүрэг дэх цагдаагийн хоёрдугаар хэлтсийн эргүүлийн офицер ахлах дэслэгч Б.Нямдорж нар шагналаа гардан авлаа.

“Сар шинийн баярын үеийг тохиолдуулан хулгайн гэмт хэрэг, дээрмийн, булаалтын гэмт хэрэг ихэвчлэн үйлдэгдэг гэсэн судалгаа гарсан. Би Сүхбаатар дүүргийн XI хороонд үүргээ гүйцэтгээд явж байхад иргэн Д гэдэг хүний гар утсыг дээрэмдсэн хэрэг гарсан. Шуурхайгийн жуучлалын хороон цагдаагийн хамт эрэн сурвалжилж гар утсыг ченжид зарсан байсаныг илэрүүлсэн” гэж Сүхбаатар дүүрэг дэх цагдаагийн хоёрдугаар хэлтсийн эргүүлийн офицер ахлах дэслэгч Б.Нямдорж хэлэв.

“Сар шинэ” нэгдсэн арга хэмжээ нь өнгөрсөн сарын 23-аас эхлээд энэ сарын 23-ны хүртэл явагдах юм байна. Мөн гэмт хэргийн  шинжтэй дуудлага мэдээлэл өмнөх онд 1856  ирж байсан бол энэ онд 940 болоод 49.3 хувиар буурсан. Үүнд хулгайлах гэмт хэрэг 2016 оны нэгдүгээр сарын 23 хүртэл 668 гэмт хэрэг цагдаагийн газар бүртэгдэж байсан бол энэ онд 287 болж 57.3 хувиар буурсан мөн танхайрах гэмт хэрэг 45.8 хувиар, согтуугийн дуудлага 1.4 хувиар тус бүр буурсан үзүүлэлт гарсан байна.

Эх сурвалж: www.polit.mn