Д.БАЯР-ОТГОН

“Өргөө” кино тетар, “Тэнгэр трэвел” аялал жуучлалын компанитай хамтран арванхоёрдугаар сарын 1-нээс хоёрдугаар сарын 1 хүртэл зохион байгуулсан “Аватар аялал” сугалаат аяны азтанууд өнөөдөр шагналаа гардан авлаа.

 “Өргөө-IMAX” кино үзэх эрхийн бичиг хоёр, “Өргөө” кино театрын хайрын баярт зориулсан 100 мянган төгрөгийн хосын багцыг нэг азтан авсан бол супер азтан “Аватар аялал”-д хосоороо аялах эрхийн эзэн болсон юм.

Супер азтанаар Б.Ариунаа тодорч Бээжин хотын Жанжиажэ ойн хүрээлэн, Тэнгэрийн хаалга хэмээгч Тианмэн уулаар аялах, хавцал дагасан шилэн гүүрэн дээр гарч зоригоо шалгах гээд зөвхөн киноноос харж байсан Пандора гаригаар хосоороо долоон өдөр аялна.

Супер азтан Б.Ариунаа “Азтан болж хосоороо аялах эрхийн бичиг хожсондоо маш их баяртай  байна. “Аватар аялал”  сугалаат аяныг зохион байгуулсан хамт олонд баярлалаа” гэж хэлэв.

Харин “Өргөө IMAX” кино үзэх эрхийн бичгээр Э.Уян, н.Энхжаргал нар шалгарсан бол “Өргөө” кино театрын хайрын баярт зориулсан 100 мянган төгрөгийн хосын багцын азтанаар С.Энхцэцэг шалгарлаа.

Эх сурвалж: www.polit.mn