О.САРАНЦЭЦЭГ

Нийслэлийн Засаг даргын Тамгын газраас зохион явуулсан “Ажлын байрны нээлттэй өдөрлөг” өнөөдөр Нийслэлийн үйлчилгээний нэгдсэн төвийн Дүнжингарав салбарт боллоо.

Уг нээлтийн үйл ажиллагаанд зочдыг төлөөлж Улаанбаатар хотын захирагч С.Батболд “Нийт Улаанбаатар хотын маань хүн ам өсч хот өргөжин тэлэхийн хэрээр суурьшил, хотын архетиктур, хотын бүтээн байгуулалт, хөрөнгө оруулалтын асуудлуудын ажил нэмэгдсээр байна. Улс эх орноо цааш хөгжүүлэхийн тулд өндөр мэдлэг чадвар бүхий боловсон хүчний хэрэгцээ шаардлага өндрөөр тавигдаж байна. Ирэх жилүүдэд загвар хотуудыг хөгжүүлэх замаар Улаанбаатар хотын эдийн засгийн бие даасан байдлыг бий болгох, дэвшилтэт технологыг үйлдвэрлэх даатгалын байгууллага яах аргагүй төлөөлж байна” гэлээ.

Өдөрлөгийн зорилго нь Нийслэлийн нутгийн захиргааны байгууллагыг өндөр чадамжтай болгох, бүтээлч хандлагатай залуу боловсон хүчнээр сэлбэн бэхжүүлэх, төрийн албанд орох боломжийг нээх, нийслэл хотын хөгжил, бүтээн байгуулалтад тэднийг татан оролцуулах юм.

Ажлын байрын сонирхон ирсэн Шинжлэх ухаан технологын сургуулийг төгссөн иргэн н.Номин “Би авто замын инженерийн мэргэжилтэй. Төгсөөд 3 жил болж байна. Төгсөхөд ажлын байр хангалттай мэт санагдсан ч өмнө жилээс эрс ховордсон. Энд ажлын байрны өдөрлөг болж байгаа гэхээр нь сонирхохоор ирлээ. Инженерийн мэргэжлээр ажлын байрын сайтад нь хандан бүртгүүллээ”. Мөн Н.Энхзул  “Би байгаль орчин мэргэжлээр төгссөн. Өөрөө ажил хийдэг сонирхоод ирсэн. Төгсөөд ажлын хангамж муу нарийн мэргэжлийн хувьд байхгүй байсан. Тэхдээ бусад хөтөлбөрийн хүрээнд байсан. Нээлттэй ажлын байранд бүртгүүлээд өөрийгөө сориод үзнэ” гэв.

Нийслэл хотын бүтээн байгуулалтад нэн шаардлагатай байгаа мэргэжлүүд:

-Хотын хөгжлийн инженерчлэл

-Олон нийтийн бодлого боловсруулалт

-Хотын хүрээлэн буй орчныг сайжруулах бодлого боловсруулалт

Санхүү эдийн засгийн бодлого менежмент гэсэн гол дөрвөн чиглэлээр ажлын байрны шалгаруулалт явагдаж байна. Одоогоор үйл ажиллагаа эхэлснээс хойш тухайн ажлын байрны бүртгүүлэх сайтад 1000 гаруй залуус бүртгүүлжээ. Тиймээс та бакалаврын зэрэгтэй мөн түүнээс дээш бол танд ажлын байр үргэлж нээлттэй байх болно. Зөвхөн өнөөдрөөр зогсохгүй сайтаараа байнга бүртгэн ажилд авч байгаа ажээ. 

Эх сурвалж: www.polit.mn