Б.ОЧ

Төр солигдсон. Халаа сэлгээ дуусаагүй л байна. Сүүлийн хэд хоногт төрийн өмчит их, дээд сургуулийн ТУЗ-ийн дарга, гишүүдийг өөрчлөх ажлыг БСШУС-ын сайд Ж.Батсуурь хийгээд тун завгүй суугаа гэнэ.

Ингэхдээ өмнө нь байгаагүй шинэ зарчим ч нэвтрүүлжээ. Өөрөөр хэлбэл, яамныхаа Соёл урлагийн бодлогын газрын дарга, найруулагч Н.Болдыг СУИС болон Хөгжим бүжгийн коллежийн ТУЗ-ийн даргаар томилсон байна. Нэг хүн хоёр сургуулийн ТУЗ-ийн дарга болдог шинэ жишгийг Ж.Батсуурь ийн эхлүүлж байгаа юм. Нөгөө талаар СУИС, Хөгжим бүжгийн коллеж хоёрын ТУЗ-ийг нэг даргатай болгосон нь удахгүй энэ хоёр сургуулийг нэгтгэх ажил эхлэх гэж байгаа гэсэн мэдээлэл гараад эхэллээ.

Бас нэг хөгийн юм сонсогдож байгаа нь, БСШУСЯ-ны Соёл, урлагийн газрын дарга Н.Болдыг жинхлээгүй байжээ. Тиймээс "Журам батлах тухай" УИХ-ын 2003 оны 13 дугаар тогтоолоор баталсан Төрийн жинхэнэ албаны удирдах албан тушаалд томилогдох ажилтныг сонгон шалгаруулах журам"-ыг үндэслэн Боловсрол, соёл. шинжлэх ухаан. спортын яамны Соёл. урлагийн бодлогын газрын даргын албан тушаалд томилогдох ажилтны сонгон шалгаруулалтыг Төрийн албаны зөвлөлийн вэб сайтаар зарлаад байгаа ажээ. Гэвч сонгон шалгаруулалтын туршлагын шалгуурт ... Төрийн албаны удирдах албан тушаалд 5-аас дээш жил ажилласан байх' гэж заалт оруулсан нь зориуд Н.Болдод зориулсан шалгуур гэх хардлагыг төрүүлж байгаа. Үүгээр бол зөвхөн дарга байсан хүн л энэ албан тушаалд өрсөлдөхөөр болж байгаа юм. Иймэрхүү явдал өмнөх Засгийн газрын үед ч гарч байсан байна. Тодруулбал, Соёлын яамны Соёлын газрын даргын сонгон шалгаруулалтын шалгуурыг тухайн үед үүрэг гүйцэтгэгчээр ажиллаж Н.Оргилд зориулж “...мэргэжлээрээ 5-аас доошгүй жил ажилласан, төрийн элбанд 1-ээс доошгүй жил ажилласан, соел урлаг судлаач, орчуулагч" гэж зарлаж байсан жишээ бий гэнэ.

Эх сурвалж: polit.mn