Б.ДАМДИН

“Зууны мэдээ” сонин АН-ын даргын суудлын төлөөх сунгаа эхэлж байхад “АН  тав хуваагдлаа” хэмээн бичиж байв. 2000 онд таван нам нийлж АН-ыг байгуулсан. АН-ынхан үүнээс хойш нэмэгдсэн том жижиг фракцуудаа тоймлон намын даргад таван хүнийг нэр дэвшүүлсэн байдаг.

Тэгвэл АН тав хуваагдсан нь өнөөдөр улам тодорхой болов. Ёстой л “хөнжилдөө орох завгүй хөнөөлдөн тэмцэлдэж” байна. Маргааш болохгүй юм шиг л хамаг муу муухайгаа уудлалцаж буй.

Намын даргын сонгууль ирэх бүтэн сайн буюу 29-нд болно. Маргааш нь 30-ны даваа гариг. Ажлын өдөр эхэлнэ. Энэ үед Н.Алтанхуяг, С.Эрдэнэ, Лу.Гантөмөр, Д.Эрдэнэбат, Ж.Батзандан нарын хэн нэг нь намын дарга болчихсон байна гэсэн үг. Дөрөв нь үлдэнэ. Тэгвэл сонгогдоогүй дөрвөн нэр дэвшигчийг дагаж гүйсэн хүмүүс яах вэ. АН-ын хаалга тэдний өмнө байнга хаалттай болох эхний дүр зураг харагдаж байна. Хэрэвзээ намын шинэ дарга зөв ажиллаж АН Ерөнхийлөгчийн сонгууль, улмаар 2020 онд УИХ-ын сонгуульд ялалт байгуулбал сонгогдоогүй дөрвийн хүмүүс бүр хөөрхий болно гэсэн үг. Албан тушаал, улс төрийн карьерын тухай мөрөөдөх ч хэрэггүй болно. Өнгөц харахад иймэрхүү байна. Учир нь АН хэдийнэ тав хуваагдсан.

Эх сурвалж:www.polit.mn