“Оюутан-Цэрэг”-т цэргийн мэргэжил олгох сургалтын журмыг баталлаа

Нүүр

Геополитик

“Оюутан-Цэрэг”-т цэргийн мэргэжил олгох сургалтын журмыг баталлаа

2017-01-25

Нийтэлсэн: Админ

1 мин

ХУВААЛЦАХ

ЖИРГЭХ

Цэргийн сургуулиас бусад их, дээд сургууль, коллежийн эрэгтэй оюутан, политехник, коллеж, мэргэжлийн сургалт, үйлдвэрлэлийн төвийн эрэгтэй суралцагч суралцаж байх хугацаандаа цэргийн мэргэжил олгох, цэргийн нэгдүгээр зэргийн бэлтгэл үүрэгтнээр бүртгэгдэх харилцааг энэ журмаар зохицуулахаар Засгийн газрын хуралдаанаар шийдвэрлэв.

“Оюутан-Цэрэг” сургалтад магадлан итгэмжлэгдсэн их, дээд сургууль, коллежийн нэгдүгээр дамжааны оюутан, политехник коллеж, Мэргэжлийн сургалт, үйлдвэрлэлийн төвийн суралцагч сайн дурын үндсэн дээр хамрагдана. Сургалтад хамрагдах хүсэлтэй оюутан, суралцагч нь тухайн жилийн 3 дугаар сарын 10-ны дотор харьяа аймаг, нийслэл, дүүргийн Цэргийн штабт бүртгүүлэх ёстой.

Оюутан, суралцагчийг сурлагын голч дүн /2,8-аас дээш/, бие бялдрын хөгжлийн түвшин, эрүүл мэндийн байдлыг гол шалгуур болгон сонгох юм. Хүсэлт гаргагч нь иргэний болон оюутны үнэмлэх, эрүүл мэндийн даатгалын дэвтэр, сургалтад хамрагдах сургуулийн зөвшөөрөл, тодорхойлолт, сурлагын дүнгийн хүснэгт, суралцахыг хүссэн өргөдлөө бүрдүүлэх юм байна.

Эх сурвалж: www.polit.mn