Ч.ДАВААНЯМ

Ардчилсан намын даргын сонгуультай холбоотойгоор АН-ын даргын сонгуульд нэр дэвшигч  Л.Гантөмөрийн сонгуулийн менежер, УИХ-ын гишүүн асан  М.Батчимэг намын зарим гишүүний хамт  мэдээлэл хийлээ.  АН-ын даргын сонгууль  нэг талыг баримталсан, гаргасан шийдвэр журмаа баримтлахгүй, гишүүдийнхээ сонгох, сонгогдох эрхийг зөрчиж шудрага бус явагдаж байна гэж тэд хэллээ. 

М.Батчимэг “Сонгуульд хэн ялах нь чухал биш. Улстөрийн ёс зүйг дээдэлсэн сонгууль болох ёстой юм.  Гэтэл 2017 оны нэгдүгээр сарын 23-ны орой С1 телевизийн “Цензургүй яриа” нэвтрүүлэгт АН-ын дарга З. Энхболд  оролцохдоо зөвхөн УИХ-ын гишүүнийг сонгоорой гэдэг уриалгыг гаргасан.  АН-ын даргын сонгуульд нэр дэвшигч Л.Гантөмөрийн  нэрийг татах шаардлагатай гэсэн мэдэгдэл хийсэн. Олон нийтийн мэдээллийн хэрэгслээр даалгавар өгч байгаа нь туйлын буруу зүйл юм. Намын даргын эрх мэдлээ ашиглан АН-ын ИХ-аас гаргасан шийдвэрийг зөрчиж, сонгуульд нөлөөлж байна. Тиймээс  нийт намын гишүүдээсээ  уучлал гуйхыг шаардаж байна. Хариу өгөхгүй бол тэмцлийн өөр хэлбэрт шилжих болно ” гэв. Мөн Улаанбаатар хотын ХУД-ийн  болон Орхон аймгийн  АН-ын гишүүд сонгох эрхээ эдэлж  чадахгүй байгаа гэв. Учир нь  аймгийн АН-ын гишүүн

 Д. Цог-Очир “Орхон аймгийн АН-ын 500 гаруй гишүүдийг бүртгэсэнгүй. Гишүүдийн эрх ноцтойгоор зөрчигдөж байна ” гэж мэдэгдлээ.  

Эх сурвалж: www.polit.mn