Өнөөдөр дэлхийн нийт эрчим хүчний үйлдвэрлэлийн 18%-ийг сэргээгдэх эрчим хүчнээс гарган авч байгаа бөгөөд үүний 13%-ийг БИО МАСС түлшнээс гарган авч байгаа.

Өнөөдөр дэлхий нийтээр биомасс түлшийг сэргээгддэг эх үүсвэр гэж тооцож байгаагаас гадна байгаль орчныг хамгаалах, ойг өсгөн нэмэгдүүлэх хос үүрэгтэй хүчин зүйл гэж үзэж байна.

Иймд дэлхий даяар эрчимтэй хөгжиж буй олон төрлийн биомасс түлшнээс Пеллетэн түлшний үйлдвэрлэлийг сонгон хөгжүүлэх нь манай улсын хувьд хамгийн зөв шийдэл болно.

 Учир нь өнөөдөр Монгол орны ойн нийт ургаа нөөцийн 30 орчим хувь буюу 290 гаруй сая м3  мод хөгширч, доройтсон байгаа, мөн сүүлийн 6 жилийн хугацаанд ойн сан, нөөцөд хийсэн 2 удаагийн тооллогоор манай улсын ойн санд 420,0 гаруй сая м3 унанги болон босоо хатсан мод байгаа нь тогтоогдсон бөгөөд урьд өмнө нь хэн ч ашиглаж байгаагүй энэхүү асар их нөөцийг БИОМАСС түлшний үйлдвэрлэлийн үндсэн түүхий эд болгон ашиглаж, эдийн засгийн эргэлтэнд оруулж чадвал, Монгол улс баялгийн шинэ эх үүсвэртэй болох боломж байна гэж бид үзэж байна.

Монгол улсын хэмжээнд “ОПЦА” төслийг хэрэгжүүлснээр дараах үндсэн 3 асуудлыг нэгэн зэрэг шийдвэрлэх боломж буй болно. Үүнд:

1.  Түймэр болон хөнөөлт шавжид нэрвэгдэн, хөгширч доройтсон Монгол орны ойн санг, анх удаагаа орчин үеийн өндөр хүчин чадалтай, техник, технологийг ашиглан цэвэрлэснээр ой цэвэрлэгдэн, байгалийн аясаараа нөхөн сэргэх нөхцөл бүрдэж, ой эрүүлжихээс гадна хөгширч доройтсон ойг ашигласнаар түймэр, хөнөөлт шавжид өртөх эрсдэл буурч, залуу модны ургах нөхцөл бүрдэж, ойн бүтэц сайжирна.

2.  Ойн цэвэрлэгээгээр бэлтгэсэн модлогийг ашиглан Пеллетэн түлшийг их хэмжээгээр үйлдвэрлэснээр, сэргээгдэх эрчим хүчний нэг төрөл болох  БИОМАСС түлшний үйлдвэрлэлийн салбар хөгжих үндэс суурь тавигдаж, монгол орны сэргээгдэх эрчим хүчний үйлдвэрлэлийн хэмжээг нэмэгдүүлэх боломж бүрдэнэ.

3.  Үйлдвэрлэсэн биомасс түлшийг нийслэлийн гэр хорооллын нүүрс түлж буй хэрэглэгчдийн 30%-д нийлүүлснээр 4 жил тутамд хүлэмжийн хийг 2,0 сая тонноор бууруулах нөхцөл бүрдэнэ.

Төслийн хугацаанд Улаанбаатар хотын гэр хороололд нүүрс түлж буй 189000 хэрэглэгчийн 29,4% буюу 55505 айл, өрхийг “Пеллетэн түлш”-ний хэрэглээнд шилжүүлэх юм.

Үүний үр дүнд, нүүрсний хэрэглээг жилд 417,9 мянган тн, 4 жилд 1,67 сая тонноор багасгаж, хүлэмжийн хийн ялгаралтыг жилд 482,3 мянган тн, 4 жилд 1,93 сая тонноор  бууруулсан бодит үр дүн гарна.

ХОЛБОО БАРИХ:

Утас: 99113132

И-мэйл: moscowcomplex@yahoo.com