Өнгөрсөн 2016 он жилийн дундаж агаарын температур хувьд ч, хур тунадасны хувьд ч олон жилийн дунджийн орчим жил байлаа хэмээн Цаг уур, орчны шинжилгээний газраас мэдээллээ. Тодруулбал, 2016 оны жилийн дундаж агаарын температур +30 хэм буюу 1981-2010 оны дунджаас 20 хэмээр, 2015 оноос 1.5 С-аар хүйтэн жил болов. Арвандүгээр сарын 18-22-нд Хангай, Хөвсгөлийн уулархаг нутаг, Туул, Онон голын сав дагуух нутгуудаар шөнөдөө 42-44 хэм хүрч хүйтэрсэн нь сүүлийн 20 гаруй жилийн арваннэгдүгээр  сард ажиглагдаагүй хүйтэн болов.

 Харин Хур тунадасны хувьд Монгол орны жилийн нийлбэр тунадас 242 мм буюу 1981-2010 оны дундажтай харьцуулбал 118 % буюу уур амьсгалын дунджийн орчим, өнгөрсөн оноос 40%-иар ахиу хур тунадас оржээ. Гуравдугаар сард Увсын Өмнөговьд 14мм, Завханы Дөрвөлжинд 13,5м буюу уур амьсгалын дунджаас 13 дахин их хур тунадас орсон нь 1960 оноос хойшхи сүүлийн 56 жилд ороогүй анхны тохиолдол байв. Арваннэгдүгээр сарын эхний 10 хоногт нутгийн хойд хэсгийг хамарч их хэмжээний цас орсны улмаас Увс, Завхан, Хөвсгөл, Булган, Сэлэнгэ, Төв, Хэнтий, Дорнодын хойд хэсгээр 10-40см, шуурч хунгарласан газартаа 50-60см зузаан цасан бүрхүүл тогтсноос  зудын нөхцөл үүсэхэд хүргэв. Мөн 2016 онд нийт 69 удаагийн цаг агаарын аюултай үзэгдэл болсноос хүчтэй салхи шуурга 15, хүйтэн бороо нэг, цочир хүйтрэл зургаа, уруйн үер 12, хүчтэй мөндөр хоёр, аянга цахилгаан 12 удаа тус тус ажиглагдсан байна.

Эх сурвалж:www.polit.mn