Д.ОЮУНСАЙХАН

“Нийгэм эдийн засгийн хөгжилд байгалийн нөхцөл, нутаг дэвсгэрийн онцлогийг харгалзан үзэх нь ,, сэдэвт эрдэм шинжилгээний бага хурал өнөөдөр  боллоо. Монгол орны байгаль орчин, ойн төлөв байдал, усны нөөц,  ургамлын аймгийн тоон өөрчлөлт, дэлхийн дулаарал, Улаанбаатар хотын агаарын тоосонцор, химийн үзүүлэлтийн талаар хийсэн судалгааны талаар мэргэжилтэн докторууд илтгэл тавьж, хэлэлцлээ. Байгалыг бохирдуулагчид нь хүмүүс бид өөрсдөө, хохирогчид ч бид өөрсдөө гэж эхэлсэн МУБИС-ийн Газарзүйн тэнхимийн доктор профессор Е.Батчулууны “Ногоон боловсролын бодлого тогтвортой хөгжилд нөлөөлөх нь,, нэртэй илтгэл оролцогчдын анхаарлыг татав. Илтгэлд байгаль орчин, газар зүйн тогтоц,ургамал, амьтан, агаарын бохирдолыг газар зүйн хичээлээр үздэг. Харин манай ерөнхий боловсролд сургах газар зүйн хичээлийн цаг багасаж долоо хоногт ганцхан цаг орж байгаа нь иргэд байгаль орчин, газар зүйн мэдлэггүй болоход  ихээхэн нөлөөлж байна” гэв. Энэ талаар  Ерөнхий боловсролын сургуулийн  84-р сургуулийн хичээлийн эрхлэгч Ё.Лхагвасүрэнгээс тодруулахад “БСШУСЯ-аас газар зүйн  сонгоны  нэг бүлэгт байх хүүхдийн тоо 20 гэж тогтоосон байдаг. Газар зүйг сонгох нь цөөн. Өнгөрсөн жилд манай сургуульд газар зүйн багш гурав байсан. Энэ жил хоёр багш хичээл зааж байна” гэв.

Эх сурвалж:www.polit.mn