Согтууруулах ундаа хэрэглэсэн үедээ жолоо барьсан иргэнд ногдуулах хариуцлагыг чангатгана

Нүүр

Геополитик

Согтууруулах ундаа хэрэглэсэн үедээ жолоо барьсан иргэнд ногдуулах хариуцлагыг чангатгана

2017-01-05

Нийтэлсэн: Админ

1 мин

ХУВААЛЦАХ

ЖИРГЭХ

Т.ДАЛАЙ

УИХ-ын чуулганы өнөөдрийн /01.05/ нэгдсэн хуралдаанаар Замын хөдөлгөөний аюулгүй байдлын тухай хуульд өөрчлөлт оруулах тухай хуулийн төслийг хэлэлцэхэд гишүүдийн 77.8 хувь нь дэмжсэн тул анхны хэлэлцүүлэгт бэлтгүүлэхээр байнгын хороонд шилжүүллээ. Хэлэлцүүлгийн шатанд УИХ-ын гишүүд согтууруулах ундаа хэрэглэсэн үедээ жолоо барьж яваа иргэнд ногдуулах хариуцлагыг чангатгах нь зөв гэж үзсэн байна. Хууль зүй, дотоод хэргийн сайд С.Бямбацогт “Эрсдэл өндөрсөж байгаа учраас бүхий л ажиллагаанууд хийгдэж байгаа. Мэдээлэл сонсохын тухайд хаалттай хэлэлцэж болно. Хэтэрхий анхаарал тавьж, дэвэргэж болохгүй гэдэг зөвлөмжийг хэвлэлийнхэн бас өгч байна. Бодлого боловсруулагдаж бэлэн болсон. Согтуугаар жолоо барьсан бол баривчлах нь илүү оновчтой байгаа. Яагаад гэвэл боломжтой айлын хүүхдүүд, боломжтой хүмүүст торгууль бол юу ч биш байгаа, 800 мянган төгрөгөөр торгосон ч тоодоггүй. Гэтэл бусад хүмүүс нь өндөр торгууль төлж байснаас дуудлагын жолоочоо дуудаад явах нь аль ч талдаа хэрэгтэй гэж үзэж байна” гэлээ.

Эх сурвалж:www.polit.mn