Т.ДАЛАЙ

Боловсролын талаар багц хуулиуд энэ оноос хэрэгжиж эхэллээ. Үүнтэй холбогдуулан Төрийн өмчийн их, дээд сургуулиудын Удирдах зөвлөлд өөрчлөлт оруулах Болосрол, соёл, шинжлэх ухаан, спортын сайдын тушаал гарчээ. Хуулийн хэрэгжилтийг хангах үүднээс энэ сарын 2-ны өдөр сайд Ж.Батсуурь тушаал гаргаж , МУИС, ШУТИС-ийн  Удирдах зөвлөлийг дараах байдлаар шинэчилжээ.

-МУИС-ийн  Удирдах зөвлөлийн даргаар нь ШУА-ийн жинхэнэ гишүүн, академич Д.Рэгдэл, Орлогч даргаар БСШУСЯ-ны Боловсролын бодлогын газрын дарга Д.Эрдэнэчимэг

-ШУТИС-ийн Удирдах зөвлөлийн даргаар БСШУС-ын сайдын зөвлөх Н.Бэгз, орлогч даргаар тус яамны Төрийн захиргааны удирдлагын  газрын дарга Л.Цэдэвсүрэн

-АШУҮИС-ийн Удирдах зөвлөлийн даргаар ШУА-ийн жинхэнэ гишүүн, доктор Т.Ган-Эрдэнэ, орлогч даргаар БСШУСЯ-ны Хяналт, шинжлэгээ, үнэлгээ, дотоод аудитын газрын дарга З.Энхболд

-ХААИС-ийн Удирдах зөвлөлийн даргаар ШУА-ийн жинхэнэ гишүүн, доктор Б.Авид, орлогч даргаар БСШУСЯ-ны Санхүү, эдийн засгийн газрын дарга Д.Батмагнай

-СУИС-ийн Удирдах зөвлөлийн даргаар БСШУСЯ-ны Соёл, урлагийн бодлогын газрын дарга Н.Болд, орлогч даргаар А.Дашпэлжээ

-МУБИС-ийн Удирдах зөвлөлийн даргаар БСШУСЯ-ны Боловсролын бодлогын хэрэгжилтийг зохицуулах газрын дарга М.Мөнхбаатар, орлогч даргаар Биеийн тамир, спортын бодлогын газрын дарга С.Чинбат нарыг тус тус томиллоо.

Эх сурвалж:www.polit.mn