Т.САЙХАН

Нийслэлийн ЗДТГ, Онцгой байдлын газар  болон Дэлхийн  зөн олон улсын байгууллага хамтран зохион байгуулж буй “Гамшигт тэсвэртэй Улаанбаатар тусгай төсөл”-ийн нээлт өнөөдөр /12.22/ боллоо. Засаг даргын орлогч П.Баярхүү, Нийслэлийн Онцгой байдлын газрын дарга Б.Үнэнбаатар,  “Дэлхийн зөн Монгол” олон улсын байгууллагын Хүмүүнлэгийн онцгой байдлын Үндэсний зохицуулагч Б.Ванчиндорж болон дүүргийн засаг дарга, газрын мэргэжилтнүүд оролцсон юм. Энэ хүрээнд хүн амын амь нас, эд хөрөнгийг байгалийн болон бусад тохиолдож болзошгүй гамшиг, аюулаас хамгаалах зорилготойгоор цуврал сургалт зохион байгуулах юм байна. Энэ талаар Нийслэлийн Засаг даргын орлогч П.Баярхүү “Сүүлийн үед Улаанбаатар хот газар хөдлөлтийн идэвхтэй бүсээр тооцогдож байна. 2001 онд  500 гаруй удаа газар хөдөлсөн бол 2015 онд мөн зохих хэмжээгээр газар хөдлөлтүүд болсон. Тиймээс ард иргэд, албан хаагчид  газар  хөдлөлтийн үед урьдчилан сэргийлэх арга хэмжээг хэрхэн зохион байгуулах вэ, өөрсдийгөө хэрхэн хамгаалах вэ гэдэг сэдвийн хүрээнд сургалт зохион байгуулахад чиглэгдэж байна” гэлээ.

Эх сурвалж:www.polit.mn