ОБЕГ-аас -50 хэм хүртэл хүйтрэхийг анхааруулав

Нүүр

Геополитик

ОБЕГ-аас -50 хэм хүртэл хүйтрэхийг анхааруулав

2016-12-20

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН

Нийт нутгийн 70 хувьд цастай байгаагийн улмаас 15 аймгийн 110 сум, нийслэлийн нэг дүүрэгт өвөлжилт хүндэрсэн. Цаашид ихэнх нутгаар цас орж, цаг агаар хүйтэрнэ" гэж Онцгой байдлын ерөнхий газар болон Цаг уур, орчны шинжилгээний газраас мэдээллээ. Цаг агаарын урьдчилсан мэдээгээр өнөөдрөөс /12.20/ эхлэн арванхоёрдугаар сарын 29-нийг дуустал хугацаанд нийт нутгаар цас орж, хүйтний эрч чангарах аж. Сарын сүүлээр Дархадын хотгор болоод хангайн бүсийн уулархаг нутгаар шөнөдөө -50 хэм, өдөртөө -25-35 хэм хүрч хүйтрэхийг сануулав. Цас их орсон үед хальтиргаа, гулгаа үүсч, машин зорчих боломжгүй болох, түүний улмаас хаах шаардлагатай болдог зам даваа олон байдаг. Тиймээс их цас, цасан шуурганы үед Архангай, Баян-Өлгий, Баянхонгор, Булган, Дорнод, Говь-Алтай, Завхан, Увс, Ховд, Хөвсгөл зэрэг 14 аймгийн 88 суманд 142 даваа, 30 тал хөндий газарт хүндрэл үүсэх эрсдлийг тооцон, гамшгийн үед ажиллах хүн хүч, техник хэрэгслийг онцгойгийнхон бэлтгээд байгаа аж.

Эх сурвалж:www.polit.mn