Бээжин хот агаарын бохирдлоо шийдэж чадахгүй байхад Улаанбаатар барахгүй дээ гэсэн айдас, хулчгар зан бидэнд бий. Агаарын бохирдол давж болохгүй даваа, шийдэж болохгүй асуудал биш. Дэлхийн улс орнууд 1900 оноос эхлээд агаарын бохирдлоо шийдээд ирсэн арга барил, технологи байна. Нүүдэлчин монголчууд суурин амьдралд хожуу шилжсэн учраас дэлхийн технологиос суралцах хангалттай цаг хугацаа өнгөрчээ. Дэлхийн улс орнууд сэргээгдэх эрчим хүч рүү явж байна. Тэр тусмаа нарны эрчим шүү дээ. Нарны эрчим гэхээр малчид зурагт үздэг, 60 лампын чийдэн асаадаг дэлгэцээр төсөөлж болохгүй. Австрали улсад л гэхэд сэргээгдэх эрчим хүчээр цахилгааны бүх хэрэглээгээ шийдээд явж байна. Монголчууд жил бүрийн хавар мод тарьдагтай дөрвөн уулынхаа энгэрт “Панель” тавихад л агаарын бохирдлоос гарна. “Панель” буюу дэлгэц Турк улсаас оруулж ирдэг төмөр пийшэн шиг зардал ихтэй үнэтэй зүйл биш. Шинэ жилээр өнчин хүүхдүүдэд бэлэг тараадаг шиг, асрамжийн хөгшчүүлд тусладагтай л адил. Энэ ажилд аж ахуйн нэгжүүд тэртусмаа агаарын орон зайд бизнес хийдэг үүрэн телефоны оператор “Mobicom”, “G mobile”, “Skytel”, “Unitel” корпорациуд “Панель” тарих хөдөлгөөнд идэвхитэй оролцох хэрэгтэй. Мод ургуулах, “Панель” тарих нь тусдаа асуудал мэт харагдавч агаарын бохирдлыг бууруулах гэсэн утга санаа, зорилго нэгтэй юм шүү. Монголчууд аа “Панель” тарих хөдөлгөөнд нэгдэцгээе.