Т.ДАЛАЙ

Тусгаар тогтнол, эв нэгдлийн намын удирдлагууд Ерөнхийлөгч Ц.Элбэгдоржийг огцрохыг шаардаж мэдээлэл хийлээ. Тэд “Эрдэнэт үйлдвэр”-ийн 49 хувийг хууль бусаар хувьчлах далд ажиллагааг зохион байгуулахад оролцсон, “Саус гоби сэндс” компанийн удирдлага Жасти Каплаг хууль зөрчин өршөөсөн, “Рио тинто” компаниас байр авсан, АСЕМ-ын уулзалт хийснээр эдийн засгийн хүндрэлийг гүнзгийрүүлэхэд томоохон хувь нэмэр оруулсан зэрэг 12 үндэслэл дурдаж, Төрийн тэргүүнийг огцрохыг шаардлаа.

Намын дарга Г.Уянга  “Ерөнхийлөгчийг огцруулах  40-50 үндэслэл бий. Бид энэ удаа хамгийн ноцтойг нь дурдлаа” гэж байсан юм.  Тэд энэхүү шаардлагаа УИХ-д илгээхээр болжээ.  Мөн намын даргаа огцруулах асуудлыг Г.Уянга “Намуудын доторх зодоон бол жижиг асуудал. Энэ хүн олон сая төгрөгийн хэргээр шалгуулж байгаа юм билээ. Манай намын даргатай холбоотой асуудлыг хоёр долоо хоногийн өмнө Дээд шүүх шийдсэн.  Жижиг намын доторх жижиг асуудлыг том болгох хэрэггүй. Гэмт хэрэгтэн хүн ингээд гадуур явж байгааг гайхаж байна. Магадгүй жижиг асуудлаар том зүйлийг дарах гэж оролдлого байж болох юм” гэсэн юм.

 Эх сурвалж:www.polit.mn