С.САРУУЛ

Үндэсний үйлдвэрт ноос болон арьс, шир бэлтгэж тушаасан малчин, мал бүхий этгээдэд мөнгөн урамшууллыг олгосон талаараа Хүнс, хөдөө аж ахуй хөнгөн үйлдвэрийн яамнаас мэдээллээ.

Ноосны урамшуулалд 408,812  малчинд 112.7 тэрбум төгрөг  олгосон байна.

2015 оны ноосны урамшууллаас хоршооны гишүүн бус гэсэн шалтгаанаар хасагдсан малчин өрхүүдэд урамшууллын мөнгийг нөхөн олгожээ.  Харин данс буруу гэсэн шалтгаанаар 209 малчны 27.7 сая төгрөг шилжээгүй байгаа аж.

Энэ талаар  ХХААХҮЯ-ны Мал Хамгаалах Сангийн ерөнхий менежер Ц.Нямсүрэн“Малчдын дансанд урамшууллыг шилжүүлсэн. Өнөөдрийн байдлаар 40460 малчин өрхөд  найман  тэрбум 542 сая 662 мянган төгрөгийг шилжүүлсэн.

Ирэх онуудад  урамшуулал үргэлжилнэ. Тэгэхдээ зөвхөн үндэсний үйлдвэрт ноос, арьс ширээ тушаасан тохиолдолд урамшуулал олгоно. Хятадад тушааснаар малчдад ямар нэгэн урамшуулал ордоггүй. Тэгэхээр энэ бол цэвэр үндэсний үйлдвэрлэлээ дэмжих гэж гаргасан бодлого” гэлээ. Түүнчлэн ирэх онд  22000 тонн ноос ноолуур авч, 100,440 малчинд 24 тэрбум төгрөгийн урамшуулал олгогдохоор төлөвлөжээ.

Эх сурвалж: www.polit.mn