Б.ЗАЯА

Өмнөговь аймгийн Цогтцэций сумаас урагш Тавантолгойн уурхайгаас зүүн тийш 5-6 км орчимд энэ сарын 2-ноос газар хөдөлж, чичирхийллийн давтамж нэмэгдсэн байна. Одон орон, геофизикийн хүрээлэнгээс мэдээлснээр өчигдрийн байдлаар газар хөдлөлтийн давтамж 40 гаруй бүртгэгджээ. Бямба гаригт хамгийн өндөр буюу 3.7 баллд хүрсэн байна. Үүнээс үүдэж өндөржүүлсэн бэлэн байдалд шилжүүлжээ. Энэ талаар тус аймгийн Онцгой байдлын хэлтсийн Гамшгаас хамгаалах улсын хяналтын байцаагч, ахмад Д.Батбилэгээс тодрууллаа.

-Газар хөдлөлтөөс болж орон нутагт өндөр­жүүлсэн бэлэн байдалд шилжсэн гэсэн үү?

-Өнөөдөр /өчигдөр/ 09:00 цагт өндөржүүлсэн бэлэн байдлыг буулгасан. Гол нь газар хөдлөлтийн аюул нь бага, давтамж нь олон байсан. Давтамж ойр ойрхон байгаа болохоор урьдчилан сэргийлэх үүднээс сумыг өндөржүүлсэн бэлэн байдалд өчигдөр шилжүүлээд байсан юм.

-Хэчнээн хүн нүүлгэн шилжүүлэв?

-Цэций хороололд Энержи Ресурсын ажилт­нуудын таван давхар байр бий. 11 байрны 550 өрхийн 1100 хүнийг ту­хайн байрнаас гаргасан. Өн­дөржүүлсэн байдал буу­сан учраас өнөөдөр бай­рандаа орцгоосон. Уур­­хайн үйл ажиллагаа хэ­вийн үргэлжилж байна. Гол нь газар хөдлөлтийн дав­тамж нь ойрхон ч аюулын түвшинд хүрээгүй.

-Хохирол амссан уу?

-Ямар нэгэн хохирол учир­сан тохиолдол байхгүй.