Т.САЙХАН

"Хар сарнай" хамтлагийн ахлагч С.Амармандах бусдад зодуулж, эмнэлэгт хүргэгдсэн талаар бид өмнө нь мэдээллэж байсан. Түүний биеийн байдал болон болсон хэрэг явдлын талаар С.Амармандахын ар гэрийнхэн мэдээлэл хийлээ.  Төрийн соёрхолт, бүжиг дэглээч С.Сүхбаатар, "Хар сарнай" хамтлагийн дуучин Маадай, "Сүнс" хамтлагийн дуучин Б.Лхагвасүрэн, өмгөөлөгч Г.Батхуяг нар оролцлоо. "Аз жаргалтай Улаанбаатар" арга хэмжээнд  дуучин С.Амармандах "Би Монгол", "Аз жаргал хүсье", "Үзэсгэлэнт монгол бүсгүй" гэсэн гурван дуугаа дуулжаа. Энэ үеэрээ дуучин үндэсний хас тэмдэгтэй хувцас өмссөн байсан. С.Амармандах дуулж дууссаныхаа дараа хувцсаа сольж, гэр рүүгээ явахаар концертын танхим коридорт явж байх үед нь цагаан цамцтай, сахалтай хүн түүнийг барьж авч, хүнд метал зүйлээр цохижээ. С.Амармандах эмнэлэгт ухаангүй хүргэгдэж, хэд хоног ухаангүй байсан.  Өнөөдрийн байдлаар ухаан орж, хүн танихтайгаа болсон ч биеийн байдал л маш хүнд байгаа юм байна.  С.Амараагийн аав С.Сүхбаатар "Надад маш хүнд байна. Би  энэ арваад хоногт хүүгээ танихгүйд хүрлээ. Та бүхний мэддэг С.Амармандах биш, царай зүс нь танигдахын аргагүй болсон. Дипломат ёсыг би мэднэ. Тэр танхай этгээд өөрийнхөө хувийн үзэл бодлоор далайлгаж хүүг минь хохироосон. Нүүрэндээ хүнд бэртсэн. Оёдлоо авахуулж байгаа. Тархиндаа нөж хурчихсан байна. Надад үнэхээр хэлэх үг олдохгүй байна" гэлээ.

Эх сурвалж:www.polit.mn